حالىقتى اۋىلدا قالدىرۋ جولدارى قاراستىرىلادى

بۇل تۋرالى  «AMANAT» پارتياسىنىڭ حاتشىسى ەلدار جۇماعازييەۆ مالىمدەدى.

اۋىل تۇرعىندارىنىڭ تابىسىن ارتتىرۋ باعدارلاماسى 2025 جىلعا دەيىن باعىتتالعان، دەپ حابارلايدى Almaty-akshamy.kz

«بىزدەگى دامۋ جوباسى اۋىل تۇرعىندارىنىڭ  تابىسىن كاسىپكەرلىك ارقىلى ارتتىرۋ. ەڭ الدىمەن ءبىز ءاربىر اۋىلدىق جەرلەرگە screening جۇرگىزەمىز. ودان ايماقتىڭ الەۋەتى قانداي ەكەنىن انىقتايمىز. ماسەلەن،   اۋىلدى مەكەندە قانشا جوبانى ىسكە اسىرا الامىز، ول جەر اۋدان ورتالىعىنا جاقىن با؟ جەپ-شوپ قورى مول ما؟  ءبىر جارىم ايعا جۋىق ۋاقىتتا وڭىرگە screening جۇمىسىن جۇرگىزگەن كەزدە وسى داعدىلار ەسكەرىلەتىن بولادى. وسى جوباعا وراي وڭىرلەردىڭ اكىمدەرىن وقىتىپ جاتىرمىز»، - دەدى   ول اۋىل تۇرعىندارىنىڭ تابىسىن ارتتىرۋعا ارنالعان باسپا ءسوز ءماسليحاتىندا.

پارتيا حاتشىسىنىڭ اتاپ وتۋىنشە، جەرگىلىكتى اۋىلدى مەكەندەرگە screening جاسالىپ بولعاننان كەيىن، ەكونوميكالىق باعدارلاما ەنگىزىلەدى. ودان كەيىن ءاربىر وتباسىنىڭ تابىسى قانشا پايىزعا كوتەرىلەتىنى ەسەپتەلەدى.

قازىرگى ماقساتىمىز مەملەكەتتىك جوبالار ىشىنەن حالىققا دۇرىس ءبىر باعىتتى كورسەتۋ بولىپ وتىر. مەنىڭ ويىمشا، ۇسىنىلىپ وتىرعان جوبانىڭ بولاشاعى زور. «اۋىل اماناتى» حالىقتى اۋىلدا قالدىرۋدىڭ نەگىزىگى ينسترۋمەنتى رەتىندە قابىلداساق بولادى. قازىرگى باستى پروبلەما اۋىل حالقىنىڭ قالاعا كوشۋىن توقتاتاۋ. ول  ءۇشىن ەلدى مەكەندەردىڭ ەكونوميكالىق پوتەنسيالىن ءبىلۋمىز قاجەت. سول ارقىلى حالىقتىڭ تابىسىن ارتتىرا الامىز، - دەدى ەلدار جۇماعازييەۆ.