بايقاۋ جاستار اراسىندا جۇمىسشى ماماندىقتاردى تانىمال ەتۋگە جانە جۇمىسشى اۋلەتتەرىنىڭ كوپجىلدىق داستۇرلەرىن نىعايتۋعا باعىتتالعان.
كونكۋرس اياسىندا قازاقستاننىڭ ۇزدىك ءوندىرىس قىزمەتكەرلەرى مەن ەڭبەك اۋلەتتەرى انىقتالادى، دەپ حابارلايدى Almaty-akshamy.kz
ق ر ەڭبەك جانە حالىقتى الەۋمەتتىك قورعاۋ مينيسترلىگى (ەحاقم) «ەڭبەك جولى» رەسپۋبليكالىق بايقاۋىنىڭ باستالعانىن حابارلادى.
كونكۋرس ەكى كەزەڭنەن (وڭىرلىك جانە رەسپۋبليكالىق) تۇرادى. قاتىسۋشىلار ءۇش اتالىم بويىنشا انىقتالادى: «ۇزدىك ەڭبەك اۋلەتى» – ەڭبەك ءوتىلى ەڭ ۇزاق، ماراپاتى ەڭ كوپ اۋلەت تاڭدالادى؛ «ءوندىرىستىڭ ۇزدىك جاس مامانى» – جۇمىس ءوتىلى 5 جىلدان اسپايتىن، ەڭ بەلسەندى جانە ەڭبەكقور ءوندىرىس جۇمىسكەرى تاڭدالادى؛ "جۇمىس ىستەيتىن جاستاردىڭ ۇزدىك تالىمگەرى" – جۇمىس ءوتىلى كەمىندە 20 جىل، جوعارى ءتيىمدى جۇمىس ىستەيتىن تالىمگەر تاڭدالادى.
كونكۋرسقا كاسىپورىنداردىڭ (سالاسىنا قاراماستان) بارلىق قىزمەتكەرى قاتىسا الادى. جەڭىمپازداردى ارنايى رەسپۋبليكالىق كوميسسيا انىقتايدى. ولاردى ماراپاتتاۋ جىل سايىنعى «جالپىعا ورتاق ەڭبەك قوعامىنا» رەسپۋبليكالىق فورۋمى اياسىندا وتەدى.
ەحاقم بايقاۋعا ەڭبەك اۋلەتتەرىنىڭ وكىلدەرىن، سونداي-اق باستاماشىل جاس قىزمەتكەرلەردى جانە ولاردىڭ تالىمگەرلەرىن بەلسەندى قاتىسۋعا شاقىرادى.
كونكۋرس تۋرالى تولىق اقپارات الۋ ءۇشىن جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنا نەمەسە وبلىستاردىڭ جانە نۇر-سۇلتان، الماتى جانە شىمكەنت قالالارىنىڭ ەڭبەك ينسپەكسياسى بويىنشا نەمەسە ق ر ەحاقم ەڭبەك قاتىناستارى جانە الەۋمەتتىك ارىپتەستىك باسقارماسىنا 8 (7172) 74-35-11 تەلەفونى بويىنشا حابارلاسۋدى سۇرايمىز.