ەگىن جيناۋ ناۋقانى قازاقستاننىڭ 14 وبلىسىن قامتيدى.
بۇگىنگى تاڭدا 1،5 ملن گەكتار القاپ جينالىپ، 2 ملن توننادان استام ءداندى جانە ءداندى-بۇرشاقتى داقىل باستىرىلدى، دەپ حابارلايدى aqshamnews.kz.
سونىمەن قاتار مايلى داقىلداردى جيناۋ جالعاسۋدا: 28،0 مىڭ گەكتاردان 20،5 مىڭ توننا ءونىم الىندى.
وسىمدىك شارۋاشىلىعىنىڭ باسقا باعىتتارى دا جوعارى قارقىنمەن دامىپ كەلەدى. اتاپ ايتقاندا، 18،0 مىڭ گەكتاردان (13،8%) 458،0 مىڭ توننا كارتوپ، 47،8 مىڭ گەكتاردان (37%) 1،4 ملن توننا كوكونىس، ال 64،2 مىڭ گەكتاردان (68،5%) 1،7 ملن توننا باقشا داقىلدارى جينالدى.
ەلدىڭ وڭتۇستىك وڭىرلەرىندە ەگىن جيناۋ جۇمىستارى اياقتالۋعا جاقىن.
شىمكەنت قالاسىندا ەگىن جيناۋ تولىق اياقتالدى. تۇركىستان جانە جامبىل وبلىستارىندا ءداندى جانە باقشا داقىلدارىن جيناۋ جۇمىستارى اياقتالۋ كەزەڭىندە.
تۇركىستان وبلىسىندا 337 مىڭ توننا ءداندى داقىل، 791،3 مىڭ توننا كوكونىس جانە 1،1 ملن توننا باقشا داقىلدارى جينالدى. جامبىل وبلىسىندا 463،4 مىڭ توننادان استام استىق، 341،4 مىڭ توننا كوكونىس جانە 336،5 مىڭ توننا باقشا داقىلدارى جينالدى.
ەگىن جيناۋ ناۋقانى قالىپتى جاعدايدا وتۋدە.