مادەنيەت كۇندەرى اياسىندا ءبىرقاتار ءىس-شارا ۇيىمداستىرىلعان.
2024 جىلعى 20-22 تامىز ارالىعىندا تاجىكستاندا قازاقستان رەسپۋبليكاسىنىڭ مادەنيەت كۇندەرى وتەدى، دەپ حابارلايدى aqshamnews.kz
"2024 جىلعى 20 تامىزدا دۋشانبە قالاسىنداعى "ۆاتان" كينوتەاترىندا قازاقستاندىق كينو كۇندەرىنىڭ اشىلۋى وتەدى"، - دەپ جازىلعان مادەنيەت مينيسترلىگى تاراتقان حابارلامادا.
22 تامىز كۇنى ساعات 19:00-دە "كوحي بورباد" مەملەكەتتىك كەشەنىندە قازاقستان ونەر شەبەرلەرىنىڭ قاتىسۋىمەن گالا-كونسەرت وتەدى، وعان قازاقستاننىڭ حالىق ارتىستەرى مەن ەڭبەك سىڭىرگەن قايراتكەرلەرى، سونداي-اق حالىقارالىق كونكۋرس لاۋرەاتتارى قاتىسادى.
سونىمەن قاتار گالا-كونسەرت باستالماس بۇرىن "كوحي بورباد" مەملەكەتتىك كەشەنى فويەسىندە قازاقستان رەسپۋبليكاسىنىڭ ۇلتتىق مۋزەيىنىڭ قورىنان "قازاق حالقىنىڭ قولدانبالى-ساندىك ونەرى" اتتى كورمەسى ۇسىنىلادى. كورمەنىڭ نەگىزىن XVIII-XX عاسىرلارداعى قولدانبالى ونەردىڭ بىرەگەي زاتتارى قۇرايدى.