شىن مۇقتاجدار انىقتالادى.
الەۋمەتتىك كومەك كورسەتۋدىڭ جاڭا تاسىلدەرى تالقىلاندى، دەپ حابارلايدى aqshamnews.kz
مينيسترلىك ااك تاعايىنداۋعا ۇمىتكەر قازاقستاندىقتاردىڭ نەگىزگى شىعىستارىن ەسەپكە الۋ جانە ۆەريفيكاسيالاۋ تەتىگىن پىسىقتاپ جاتىر
ەڭبەك جانە حالىقتى الەۋمەتتىك قورعاۋ مينيسترلىگىندە اتاۋلى الەۋمەتتىك كومەك كورسەتۋدىڭ جاڭا تاسىلدەرى ۇسىنىلىپ، تالقىلاندى، دەپ حابارلادى ۆەدومستۆونىڭ باسپا ءسوز قىزمەتى.
مەملەكەت باسشىسى ازاماتتاردىڭ شىعىسىن ەسكەرە وتىرىپ، اتاۋلى الەۋمەتتىك كومەك كورسەتۋ تاسىلدەرىن قايتا قاراۋ مىندەتىن قويعان بولاتىن.
"وسىعان بايلانىستى وتباسىنىڭ سيفرلىق كارتاسى مەن مەملەكەتتىك جانە مەملەكەتتىك ەمەس ۇيىمداردىڭ جۇيەلەرىمەن ينتەگراسيالاردى پايدالانا وتىرىپ، الەۋمەتتىك كومەك كورسەتۋدى ترانسفورماسيالاۋ جوسپارلانىپ وتىر"، - دەپ جازىلعان حابارلامادا.
ەڭبەك جانە حالىقتى الەۋمەتتىك قورعاۋ مينيسترلىگى الەۋمەتتىك كومەك دەپارتامەنتىنىڭ باسشىسى اينۇر ءابدىراحمانوۆانىڭ ايتۋىنشا قازىرگى ۋاقىتتا مينيسترلىك مۇددەلى مەملەكەتتىك ورگاندارمەن بىرلەسىپ ااك تاعايىنداۋعا ۇمىتكەر قازاقستاندىقتاردىڭ نەگىزگى شىعىستارىن ەسەپكە الۋ جانە ۆەريفيكاسيالاۋ تەتىگىن پىسىقتاپ جاتىر.
جىلجىمالى نەمەسە جىلجىمايتىن مۇلىكتى ساتىپ الۋعا، وقۋ اقىسى مەن قوسىمشا ءبىلىم الۋعا، دەمالىس پەن ويىن-ساۋىققا، ساۋىقتىرۋعا، جيھاز، تۇرمىستىق تەحنيكا زاتتارىن ساتىپ الۋعا، كرەديتتەردى وتەۋگە جانە ت.ب. شىعىستاردىڭ تۇرلەرىن قاراستىرۋ جوسپارلانۋدا.
"ۇسىنىلىپ وتىرعان الگوريتم ااك تاعايىنداۋعا ءوتىنىش بەرگەن ازاماتتارعا ولاردىڭ كىرىستەرى مەن شىعىستارىن تەكسەرۋگە كەلىسىم الۋ ءۇشىن SMS-حابارلاما جىبەرۋدى كوزدەيدى. بۇل بانكتىك قۇپيانى اشۋ جانە ءۇشىنشى تۇلعالارعا اقپاراتقا قول جەتكىزۋگە قاتىستى ەمەس. تەكسەرۋلەر اقپاراتتىق جۇيەلەردى ينتەگراسيالاۋ ەسەبىنەن اۆتوماتتى تۇردە جۇرگىزىلەدى"، – دەدى اينۇر ءابدىراحمانوۆا.
سونداي-اق ااك تاعايىنداۋ تەتىگىندەگى الداعى وزگەرىستەر شىن مانىندە مۇقتاج ازاماتتاردى انىقتاۋعا جانە ولارعا مەملەكەت تاراپىنان نىسانالى قولداۋدى قامتاماسىز ەتۋگە مۇمكىندىك بەرەتىنى اتالىپ ءوتتى.
بۇعان دەيىن حابارلانعانداي، 2024 جىلعى 1 تامىزداعى جاعداي بويىنشا 70،2 مىڭ وتباسىنداعى 372 مىڭعا جۋىق ازاماتقا اتاۋلى الەۋمەتتىك كومەك كورسەتىلدى. بيىل بۇل ماقساتتارعا بيۋدجەتتەن 60،5 ملرد تەڭگە قاراستىرىلعان.