دسم قازاقستانداعى كوروناۆيرۋس جاعدايىنا قاتىستى مالىمدەمە جاسادى.
جىلدىڭ باسىنان بەرى 1 290 ادام كۆي-گە شالدىققان، دەپ حابارلايدى aqshamnews.kz
بۇل رەتتە جرۆي، ۆيرۋستى پنيەۆمونيا جانە كۆي جۇقتىرىپ اۋرۋحاناعا تۇسكەندەردىڭ جوقتىعىن ايتا كەتۋ كەرەك، بۇل كۆي بويىنشا دەرت اعىنى جەڭىل تۇردە ءوتىپ جاتقانىن كورسەتەدى. سونىمەن سەكۆەنيرلەۋدىڭ سوڭعى دەرەكتەرىنە سايكەس، قازاقستاندا الەمدەگىدەي 100 پايىز جاعدايدا وميكرون شتاممىنىڭ ءتۇرلى نۇسقالارى اينالىستا ءجۇر.
ق ر مەملەكەتتىك باس دارىگەرىنىڭ م.ا. 2024 جىلعى 16 تامىزداعى №7 "2024-2025 جىلعى ەپيدەميالىق ماۋسىمدا تۇماۋ، وتكىر رەسپيراتورلى ۆيرۋستى ينفەكسيا (جرۆي) جانە كوروناۆيرۋس ينفەكسياسى (COVID-19) بويىنشا سانيتارلىق-پروفيلاكتيكالىق، سانيتارلىق-ەپيدەمياعا قارسى ءىس-شارالار وتكىزۋ تۋرالى" قاۋلىعا قول قويدى.
قاۋلىدا جرۆي، تۇماۋ جانە COVID-19 بويىنشا ەپيدەميالىق ماۋسىم مەرزىمىنە پروفيلاكتيكالىق جانە ەپيدەمياعا قارسى ءىس-شارالار، سونىڭ ىشىندە:
2024 جىلدىڭ 1 قىركۇيەگىنەن باستاپ تۇماۋعا قارسى ۆاكسيناسيا جۇرگىزۋ؛
مەديسينالىق ۇيىمداردا: كىرەبەرىستى "سۇزگى" جۇمىسىمەن قامتاماسىز ەتۋ، بەتپەردە تاعۋ، انتيسەپتيكتەردىڭ بولۋى؛
جرۆي، تۇماۋ بايقالعان ءبىر جاسقا دەيىنگى سابيلەر مەن جۇكتى ايەلدەردىڭ ۇيگە شاقىرتۋىنا ءبىرىنشى كەزەكتە قىزمەت كورسەتۋ قاراستىرىلعان.
تۇماۋ، جرۆي، كۆي اۋرۋلارىنىڭ الدىن الۋ ءۇشىن كەلەسىدەي پروفيلاكتيكالىق شارالار جۇرگىزۋ ۇسىنىلادى: عيماراتتىڭ ءىشىن ءجيى-جيى جەلدەتىپ وتىرۋ، قولدى تازا ۇستاۋ ءۇشىن انتيسەپتيكالىق قۇرالداردى پايدالانۋ، ناۋقاس ادامدارمەن بايلانىستى شەكتەۋ، اۋىرىپ تۇرعان ادامدارمەن بايلانىسقان جاعدايدا بەتپەردە تاعۋ، مەديسينالىق كومەككە دەر كەزىندە جۇگىنۋ.