شارا ەكى ەل اراسىندا ديپلوماتيالىق قاتىناس ورناعانىنا 30 جىل تولۋىنا ورايلاستىرىلىپ وتىر.
ءىس-شارالار ماسكەۋ، استراحان جانە قازان قالالارىندا جوسپارلانعان، دەپ حابارلايدى Almaty-akshamy.kz
بيىل رەسەيدە قازاقستاننىڭ مادەنيەت كۇندەرى وتەدى، دەپ حابارلادى رەسەي پرەزيدەنتىنىڭ حالىقارالىق مادەني ىنتىماقتاستىق جونىندەگى ارنايى وكىلى ميحايل شۆىدكوي.
«ەكى ەل اراسىندا ديپلوماتيالىق قاتىناس ورناعانىنا 30 جىل تولۋىنا وراي 13 قىركۇيەكتەن باستاپ رەسەيدە قازاقستاننىڭ مادەنيەت كۇندەرى بولادى. بۇل ءبىزدىڭ مادەني بايلانىسىمىزعا سەرپىن بەرەدى دەپ ويلايمىن»، - دەدى شۆىدكوي.
شارا اياسىندا ەكى ەلدىڭ مادەنيەت قايراتكەرلەرى مەن مادەنيەت مينيسترلەرىنىڭ كەزدەسۋلەرى وتەدى.
«بۇل كوپتەگەن ادام قىزىعۋشىلىق تانىتىپ وتىرعان كەڭ اۋقىمدى وقيعا. مەنىڭ ويىمشا، بايلانىسىمىز جاقسارا تۇسەدى»، - دەپ قوستى شۆىدكوي.
ميحايل شۆىدكوي ءقازىر قازاقستاندا ساپارمەن ءجۇر. ول مادەنيەت جانە سپورت، اقپارات جانە قوعامدىق دامۋ مينيسترلىكتەرىنىڭ باسشىلارىمەن كەزدەسۋلەر وتكىزدى.