جەر سىلكىنىستەرى، داۋىلدار، قۇرعاقشىلىق، سۋ تاسقىنى جانە باسقا دا تابيعي اپاتتار ادامدار شىعىنى مەن زارداپتارعا عانا اكەلىپ قانا قويماي، بوسقىنداردىڭ جاپپاي اعىنىن تۋدىرادى.
تەك 2020 جىلدىڭ وزىندە تابيعي اپاتتاردىڭ سالدارىنان 30 ميلليوننان استام ادام بوسقىنعا اينالدى. ساراپشىلار كليماتقا بايلانىستى ەكسترەمالدى وقيعالار جيىلەپ، ولاردىڭ زارداپتارى جويقىن بولىپ بارا جاتقانىن ەسكەرتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بۇل، اسىرەسە، شاعىن ارال مەملەكەتتەرى مەن بايىرعى حالىقتار اراسىندا ەكولوگيالىق بوسقىنداردىڭ سانى دا ارتادى دەگەن ءسوز. كەزدەسۋگە قاتىسۋشىلار تابيعي اپاتتاردىڭ اۋىر زارداپتارىن جەڭىلدەتۋ جولدارىن، سونداي-اق زارداپ شەككەندەرگە باسپانا بەرۋ تەتىكتەرىن تالقىلادى. تىنىق مۇحيتى ايماعىنداعى كەيبىر ارالدار مەملەكەتتەرى اراسىندا اپاتتارعا قارسى ەركىن قوزعالىس تۋرالى كەلىسىمدەر بار. كەزدەسۋدە مەملەكەتتىك ورگاندارعا تابيعي اپاتتاردىڭ سالدارىنان تۋعان جەرلەرىنەن كەتۋگە ءماجبۇر بولعان ادامداردىڭ پروبلەمالارىن جاقسى تۇسىنۋگە جانە ولارعا كومەك كورسەتۋگە كومەكتەسەتىن «سوزدەن ىسكە» نۇسقاۋلىعى ۇسىنىلدى.