قازاقستاننىڭ جوعارعى سوتى سەيىتقازى مەن اسەت ماتايەۆتاردى تولىق اقتادى

جۋرناليستەر تولىعىمەن اقتالدى.

قازاقستاننىڭ جوعارعى سوتى رەسپۋبليكاعا تانىمال جۋرناليستەر سەيىتقازى جانە اسەت ماتايەۆتاردى تولعىمەن اقتادى، دەپ حابارلايدى Almaty-akshamy.kz Kaztag.kz سىلتەمە جاساپ. 

جوعارعى سوت سەيسەنبى كۇنگى وتىرىسىندا سەيىتقازى مەن اسەت ماتايەۆتارعا قاتىستى استانا قالاسى سوتىنىڭ 2016 جىلعى 9 جەلتوقسانى كۇنى شىققان ۇكىمىن جويدى. سۋديا ۇكىمدى وقي وتىرىپ، ماتايەۆتاردىڭ تولىعىمەن اقتالعانىن جانە قىلمىستىق پروسەستى جۇرگىزگەن ورگانداردىڭ زاڭسىز ارەكەتتەرىنەن كەلتىرىلگەن زياندى وتەۋگە قۇقىعى بار ەكەنىن ءتۇسىندىردى. 

ەسكە سالايىق، سەيىتقازى مەن اسەت ماتايەۆتار 2016 جىلى سوتتالعان بولاتىن. قىلمىستىق قۋدالاۋ قازتاگ اگەنتتىگىن رەيدەرلىك جولمەن باسىپ الۋ ارەكەتىمەن قاتار ءجۇردى. 

سونىمەن قاتار، قازاقستاندا دا، شەتەلدە دە ساياسي استارى بار دەپ تانىلعان ءىس بويىنشا ماتايەۆتاردىڭ كىناسى تاعىلعان ايىپتاردىڭ ەشقايسىسى دالەلدەنبەدى، الايدا بۇل قازاقستان سوتىنىڭ ايىپتاۋ ۇكىمىن شىعارۋىنا كەدەرگى بولا المادى.  

سونىمەن بىرگە ماتايەۆتاردى تاپسىرىس بويىنشا قۋدالاۋعا قاتىسۋشىلاردىڭ ەشقايسىسى بۇل ءۇشىن ءالى جازالانعان جوق. 

2022 جىلدىڭ 5 شىلدەسىندە وتەبەكوۆ باس پروكۋراتۋرا ماتايەۆتارعا قاتىستى ادىلەتسىز ۇكىمگە نارازىلىق بەرگەنىن حابارلادى. 6 شىلدەدە وتەبەكوۆ جاعدايعا تۇسىنىكتەمە بەرە وتىرىپ، اسەت ماتايەۆ ءىسىن قايتا قاراۋدى قوعامدىق-ساياسي جاعدايدىڭ وزگەرۋىمەن بايلانىستىردى. 

8 شىلدەدە سەنات پەن ءماجىلىستىڭ ءبىرقاتار دەپۋتاتتارى ماتايەۆتاردىڭ تولىق اقتالۋىنا ءۇمىت ارتىپ، ءتيىستى مالىمدەمەگە قول قويعانى بەلگىلى بولدى. 9 شىلدەدە قازاقستاننىڭ ب ا ق وكىلدەرى ماتايەۆتار وزدەرىنە قاتىستى ادىلەتسىز ويدان شىعارىلعان قىلمىستىق ءىس بويىنشا تولىق اقتالۋىنا سەنە الادى دەگەن جاڭالىققا قۇلشىنىسپەن جانە وپتيميستىك كوزقاراسپەن قاراعانى حابارلاندى.