قازاقستاندىقتار باسىمدىقتى بىردەن قولعا الدى
حوككەيدەن جاسوسپىرىمدەر اراسىنداعى الەم چەمپيوناتى الدىندا (1ا) قازاقستان قۇراماسى كەلەشەك قارسىلاسى جانە تۋرنير يەسى – فرانسيا كومانداسىنا قارسى ماچ وتكىزدى. Almaty-akshamy.kz بۇل تۋرالى قازاقستان حوككەي فەدەراسياسىنا سىلتەمە جاساپ حابارلايدى.
قازاقستاندىقتار باسىمدىقتى بىردەن قولعا الىپ، قاتارىنان ەكى شايبا سوقتى. ەسەپتى داۆلات نۇركەنوۆ اشتى، كەيىن ەگور ليەۆكوۆەس مەرگەندىك تانىتتى.
ەكىنشى كەزەڭ باسىندا نيكيتا سيتنيكوۆ تاعى ءبىر سوقتى، ال بەس مينۋت وتكەن سوڭ دۋبل جاسادى. قارسىلاستىڭ قاقپاسىنا بەسىنشى شايبانى رومان بولشەدۆورسكيي ەنگىزدى.
ءۇشىنشى كەزەڭدە گول اۆتورى كيريلل كانكين اتاندى. فرانسۋزدىق قۇراما ويىن اياقتالارعا 6 مينۋت قالعاندا ۆلاديمير نيكيتيننىڭ قاقپاسىنان ساڭىلاۋ تاۋىپ كەتتى. الايدا، ەگور ليەۆكوۆەس قازاقستان قۇراماسىنىڭ اتالعان ماچتاعى جەتىنشى ۇپايىنىڭ اۆتورى اتاندى. دەگەنمەن، الاڭ يەلەرى ويىن اياقتالار تۇستا ەسەپ ايىرماشىلىعىن جاقىنداتا الدى، ەسەپ – 2:7. جەڭىس – قازاقستان قۇراماسىندا.