قازاقستاندىق دەلەگاسيا قۇرامىندا ءبىلىم بەرۋ، قۇرىلىس، استىق يندۋسترياسى، تۋريزم، باسپا، تىگىن ءوندىرىسى، قوناق ۇي-مەيرامحانا بيزنەسىنىڭ وكىلەرى بولدى.
ناۋرىز مەيرامىن تويلاۋ اياسىندا EXPO 2020 Dubai دۇنيەجۇزىلىك كورمەسىندە قازاقستان پاۆيلونىنىڭ الاڭىندا قازاقستاننىڭ ىسكەر ايەلدەر قاۋىمداستىعى وكىلدەرى قاتىسقان ءىس-شارا ءوتتى، دەپ حابارلايدى Almaty-akshamy.kz
تانىستىرىلىم بارىسىندا ايەلدەر ەلىمىزدىڭ وڭىرلەرىندە جۇزەگە اسىرىلىپ جاتقان بيزنەس پەن الەۋمەتتىك جوبالاردى تالقىلادى.
ءىس-شارا قازاقستان مەن بىرىككەن اراب امىرلىكتەرىنىڭ قاتىسۋشىلارى ءۇشىن تاجىريبە الماسۋعا جانە الەۋەتتى سەرىكتەستەرمەن ىسكەرلىك قارىم-قاتىناس ورناتۋعا مۇمكىندىك بەردى.
پاۆيلون اشىلعالى بەرى وعان 1،4 ملن-نان استام ادام كەلگەنىن، ال ونىڭ الاڭىندا 50-گە جۋىق ىسكەرلىك جانە مادەني ءىس-شارالار وتكىزىلگەنىن اتاپ وتكەن ءجون.