تومەنگى جەتكىلىكتىلىك شەگىنىڭ مولشەرى تۋرالى اقپارات بجزق سايتىندا جاريالانعان.
ءوتىنىش enpf.kz سايتىنداعى جەكە كابينەت ارقىلى بەرىلۋى مۇمكىن نەمەسە بجزق-نىڭ كەز كەلگەن وڭىرلىك بولىمشەسىنە سالىمشى ءوزى كەلۋى ءتيىس، دەپ حابارلايدى Almaty-akshamy.kz
تومەنگى جەتكىلىكتىلىك شەگى بويىنشا 2021 جىلدىڭ زەينەتاقى جيناقتارىن يپب-عا تەك 2022 جىلدىڭ 1 ساۋىرىنە دەيىن اۋدارۋعا بولادى، دەپ حابارلايدى قازاقپارات.
بجزق سالىمشىلارى وزدەرىنىڭ زەينەتاقى جيناقتارىنىڭ ءبىر بولىگىن تۇرعىن ءۇي جاعدايىن جاقسارتۋ جانە (نەمەسە) ەمدەلۋدىڭ اقىسىن تولەۋ ءۇشىن عانا ەمەس، سونداي-اق، ينۆەستيسيالىق پورتفەلدى باسقارۋشى كومپانيالارعا ينۆەستيسيالىق باسقارۋعا بەرۋ ءۇشىن دە پايدالانۋعا قۇقىلى.
سالىمشىنىڭ زەينەتاقى جيناقتارى كەلەسى جاعدايلاردا يپب باسقارۋىنا بەرىلۋى مۇمكىن:
- سالىمشىنىڭ بجزق-داعى ناقتى زەينەتاقى جيناقتارى مەن زەينەتاقى جيناقتارىنىڭ ەڭ از جەتكىلىكتىلىك شەگى اراسىنداعى ايىرمادان اسپاعان مولشەردە؛
- ءومىر بويعى تولەمدەردى كوزدەيتىن ساقتاندىرۋ ۇيىمىمەن زەينەتاقى اننۋيتەتى شارتى جاسالعان جاعدايدا، سالىمشىنىڭ بجزق-داعى شوتىنداعى زەينەتاقى جيناقتارىنىڭ قالدىعىنان اسپايتىن مولشەردە.
بيىلعى 1 ساۋىردەن باستاپ 2022 جىلعا ەسەپتەلگەن زەينەتاقى جيناقتارىنىڭ ەڭ تومەنگى جەتكىلىكتىلىك شەگى (تجش) كۇشىنە ەنەدى.
بۇعان دەيىن پرەزيدەنت قاسىم-جومارت توقايەۆتىڭ تاپسىرماسىن ورىنداۋ ءۇشىن قازاقستان رەسپۋبليكاسى ۇكىمەتىنىڭ 2021 جىلعى 13 جەلتوقسانداعى №875 قاۋلىسىمەن 2021 جىلعا ەسەپتەلگەن تجش قولدانۋ مەرزىمى 2022 جىلدىڭ 1 ساۋىرىنە دەيىن ۇزارتىلدى.
وسىلايشا، 2022 جىلعا ارنالعان تجش 2022 جىلدىڭ 1 ساۋىرىنەن باستاپ كۇشىنە ەنەتىندىكتەن، زەينەتاقى جيناقتارىن يپب-عا 2021 جىلعا ەسەپتەلگەن تجش شامالارىنا سايكەس وتىنىشتەر بويىنشا 2022 جىلعى 31 ناۋرىزدى قوسا العاندا اۋدارۋعا بولادى.
تجش مولشەرى تۋرالى اقپارات بجزق سايتىندا جاريالانعان. زەينەتاقى جيناقتارىن ءبىر نەمەسە بىرنەشە يپب اۋدارۋ ءۇشىن سالىمشى بجزق-عا وتىنىشپەن جۇگىنۋى قاجەت.
ءوتىنىش enpf.kz سايتىنداعى جەكە كابينەت ارقىلى بەرىلۋى مۇمكىن نەمەسە بجزق-نىڭ كەز كەلگەن وڭىرلىك بولىمشەسىنە سالىمشى ءوزى كەلۋى ءتيىس.
بجزق سالىمشىدان ءوتىنىش كەلىپ تۇسكەن كۇننەن كەيىن كۇنتىزبەلىك وتىز كۇن ىشىندە زەينەتاقى جيناقتارىن يپب سەنىمگەرلىك باسقارۋعا اۋدارادى.