قارالى حابار تۋرالى اباي اتىنداعى قازاق ۇلتتىق وپەرا جانە بالەت تەاترى حابارلادى.
قازاقستاننىڭ حالىق ءارتىسى، قۇرمانعازى اتىنداعى قازاق ۇلتتىق كونسەرۆاتورياسىنىڭ پروفەسسورى، “قۇرمەت” وردەنىنىڭ يەگەرى عافيز ەسىموۆ 78 جاسىندا دۇنيە سالدى، دەپ حابارلايدى aqshamnews.kz
عافيز ەسىموۆ 1975 جىلدان اباي اتىنداعى قازاق ۇلتتىق وپەرا جانە بالەت تەاترىنىڭ ءسوليسى بولىپ قىزمەت جاساعان.
“عافيز ەسىموۆتىڭ قازاسىنا وراي بارشا ونەرسۇيەر قاۋىمعا، وتباسىنا تەاترداعى سۇيىكتى شاكىرتتەرى، زامانداستارى، تەاتر ۇجىمى قايعىرىپ كوڭىل ايتادى” دەلىنگەن ونەر ۇجىمىنىڭ حابارالاماسىندا.
ءارتىس شىعارماشىلىعىندا اباي (ا.جۇبانوۆ پەن ل.ءحاميديدىڭ «ابايىندا»)، دۋمان (ە.برۋسيلوۆسكييدىڭ «دۋدارايىندا»)، الپامىس (ە.راحمادييەۆتىڭ «الپامىسىندا»)، قۇرمانعازى (ا.جۇبانوۆ پەن ع.جۇبانوۆانىڭ «قۇرمانعازىسىندا»)، ونەگين (پ.ي.چايكوۆسكييدىڭ «ەۆگەنيي ونەگينىندە»)، جەرمون (دج.ۆەرديدىڭ «تراۆياتاسىندا»)، دون جۋان (ۆ.موسارتتىڭ «دون جۋانىندا») جانە كوپتەگەن كەيىپكەرلەردىڭ رولىندە نەگىزگى پارتيادا شىرقاعان.
عافيز ەسىموۆتىڭ رەجيسسەرلىك جۇمىستارى دا كورەرمەن ەسىندە. قويۋشى-رەجيسسەر رەتىندە بازارباي جۇمانيازوۆتىڭ «ماحامبەت» وپەراسىن، برۋسيلوۆسكييدىڭ «قىز جىبەك» سپەكتاكلىن قايتادان جاڭارتىپ قويعان.