الماتى وبلىسىندا قوسالقى مەردىگەرگە جولداعى قاۋىپسىزدىكتى ساقتاماعانى ءۇشىن ايىپپۇل سالىندى.
9 قاراشادا مەردىگەرلىك ۇيىم شەلەك اۋىلىنداعى كارىز جەلىلەرىن قايتا جاڭارتۋ ۋچاسكەسىندە جول-كولىك وقيعاسى بولدى. تoyota Camry كولىگىن باسقارعان جۇرگىزۋشى ايەل جول بويىندا قاجەتتى ەسكەرتۋ بەلگىلەرىنسىز قالعان توپىراق پەن ءۇيىندى تۇرىندەگى كەدەرگىگە سوعىلىپ قالدى، دەپ حابارلايدى aqshamnews.kz Polisia.kz-كە سىلتەمە جاساپ.
وقيعا سالدارىنان زارداپ شەككەن جۇرگىزۋشى اۋداندىق اۋرۋحاناعا جاتقىزىلدى. ەڭبەكشىقازاق اۋدانىنىڭ پوليسەيلەرىمەن قاجەتتى قاۋىپسىزدىك شارالارىن ساقتاماعان جانە جولدا ەسكەرتۋ بەلگىلەرىنسىز كەدەرگى قالدىرعان قوسالقى مەردىگەر انىقتالدى. جولداردا جۇمىس جۇرگىزۋ جونىندەگى تالاپتاردى ورىنداماعانى ءۇشىن قوسالقى مەردىگەر ۇيىم ايىپپۇل سانكسيالارىمەن قولدانىستاعى زاڭناماعا سايكەس جاۋاپكەرشىلىككە تارتىلدى.
جىل باسىنان بەرى اۆتوجولدارعا 2027 زەرتتەۋ جۇرگىزىلدى، ولاردىڭ ءارقايسىسىنىڭ قورىتىندىسى بويىنشا ءتيىستى نۇسقامالار شىعارىلدى. جول-كوممۋنالدىق ۇيىمداردىڭ 281 لاۋازىمدى تۇلعاسى اۆتوجولداردى، جول قوزعالىسىن ۇيىمداستىرۋدىڭ تەحنيكالىق قۇرالدارىن جانە ينجەنەرلىك قۇرىلىستاردى تيىسىنشە ۇستاماعانى ءۇشىن اكىمشىلىك جاۋاپكەرشىلىككە تارتىلدى. بۇرىن جىبەرىلگەن نۇسقامالاردىڭ تالاپتارىن ورىنداماعانى ءۇشىن 29 جاۋاپتى تۇلعاعا قاتىستى ماتەريالدار ءتيىستى شارالار قابىلداۋ ءۇشىن سوتقا جىبەرىلدى.