ەنەرگەتيكا مينيسترلىگى 2029 جىلعا دەيىن ەلىمىزدىڭ ەنەرگەتيكا جۇيەسىندە جاڭادان 6،7 گۆت قۋات كوزدەرىن ىسكە قوسۋعا مۇمكىندىك بەرەتىن 68 جوبانى جۇزەگە اسىرۋدى جوسپارلاپ وتىر، دەپ حابارلايدى aqshamnews.kz
بۇل تۋرالى ۇكىمەت وتىرىسىندا ەنەرگەتيكا ءمينيسترى ەرلان اقكەنجەنوۆ حابارلادى.
ول بىلتىر 770 مۆت-تان استام جاڭا قۋات كوزى ىسكە قوسىلعانىن، ونىڭ 608 مۆت-ى ءداستۇرلى، ال 163 مۆت-ى جاڭارتىلاتىن ەنەرگيا كوزدەرى (جەك) ەكەنىن اتاپ ءوتتى.
جالپى العاندا، ەنەرگەتيكا مينيسترلىگى 2029 جىلعا دەيىن جاڭادان 6،7 گۆت قۋات كوزدەرىن ىسكە قوسۋعا مۇمكىندىك بەرەتىن 68 جوبانى جۇزەگە اسىرۋدى جوسپارلاپ وتىر. ماسەلەن، 2025 جىلعا بەلگىلەنگەن 621 مۆت-تىڭ 166-سى ءداستۇرلى ەنەرگيا كوزى، ال 9 نىسان – جەك.
2027 جىلى قۋاتتىلىعى شامامەن 1 500 مۆت، ونىڭ ىشىندە 573 مۆت-تىق 13 جەك وبەكتىسىن ىسكە قوسۋ قاراستىرىلىپ وتىر.
2028 جىلى 2 مىڭ مۆت-تان استام قۋاتتىلىقتى، ونىڭ ىشىندە 245 مۆت 3 جاڭارتىلاتىن ەنەرگەتيكا نىسانىن پايدالانۋعا بەرۋ كوزدەلۋدە.
«وسىلايشا، 2029 جىلى ەكونوميكانىڭ ەلەكتر ەنەرگياسىنا دەگەن قاجەتتىلىگىن تولىق قامتيمىز دەپ كۇتىپ وتىرمىز، ەنەرگەتيكا جۇيەسىن پروفيسيتكە شىعارۋ جوسپارلانۋدا، بۇل ەلىمىزدىڭ ەكسپورتتىق الەۋەتىن ارتتىرۋعا دا مۇمكىندىك بەرەدى»، دەدى ەرلان اقكەنجەنوۆ.