قازاقستاندا كومىردەن الىناتىن قۋات كوزىن تازا كومىر تەحنولوگياسى بازاسىندا دامىتۋ كوزدەلىپ وتىر
ەنەرگەتيكا ءمينيسترى ەرلان اقكەنجەنوۆ ۇكىمەت وتىرىسىندا مەملەكەت باسشىسىنىڭ كومىردەن الىناتىن قۋات كوزىن تازا كومىر تەحنولوگياسى بازاسىندا دامىتۋ جونىندەگى تاپسىرماسىنا سايكەس اتقارىلىپ جاتقان جۇمىستاردىڭ بارىسى تۋرالى باياندادى.
ول مينيسترلىك تاراپىنان قورشاعان ورتاعا اسەردى بارىنشا ازايتۋدى كوزدەيتىن ەكولوگيالىق تالاپتار مەن نورمالارعا ساي كەلەتىن ءبىرقاتار ءىرى جوبانى، سونىڭ ىشىندە مانيەۆرلىك رەجيمدە جۇمىس ىستەۋگە مۇمكىندىك بەرەتىن جوبالاردى جۇزەگە اسىرۋ جوسپارلانىپ وتىرعانىن اتاپ ءوتتى.
ەندىگىسى ەكىباستۇز گرەس-3ء-تىڭ (2 640 مۆت) قۇرىلىسىن سالۋ ءۇشىن ينۆەستوردى ايقىنداۋ بويىنشا تەندەر وتكىزىلدى جانە كۋرچاتوۆ قالاسىندا جەس (700 مۆت) سالۋ ءۇشىن تەندەر جاريالاۋ جوسپارلانۋدا.
«تىكەلەي شارتتار شەڭبەرىندە مينيسترلىك "سامۇرىق-ەنەرگو" اق كومپانياسىمەن بىرلەسىپ كوكشەتاۋ، سەمەي، وسكەمەن قالالارىندا جىلۋ ەلەكتر ورتالىقتارىن سالۋ جوبالارىن جۇزەگە اسىرۋدا، وندا ءتۇتىن گازدارىن ءسۇزۋدىڭ وزىق جۇيەلەرى، اۋىر مەتالداردى تۇتىپ قالۋ تەحنولوگيالارى قولدانىلاتىن بولادى»، دەپ اتاپ ءوتتى ەرلان اقكەنجەنوۆ.