الماتى قالاسىنىڭ اكىمى باقىتجان ساعىنتايەۆ 25 ماۋسىم كۇنى ورتالىق كوممۋنيكاسيالار قىزمەتى الاڭىندا باسپا ءسوز ءماسليحاتىنا قاتىسىپ، ب ا ق وكىلدەرىنىڭ سان ءتۇرلى سۇراقتارىنا جاۋاپ بەرىپ، قالامىزدىڭ دامۋى مەن ەكونوميكا، ەكولوگيا، بيزنەس، ءوقۋ-بىلىم، مەديسينا سالاسىنداعى وزەكتى ماسەلەلەر مەن اتقارىلعان ىستەرگە توقتالدى، بولاشاق جوسپارلارمەن ءبولىستى.
مەگاپوليس باسشىسىنىڭ اتقارىلعان ىستەر جونىندەگى ءسوزىن تىڭداعان قالا تۇرعىندارى بۇگىن ءوز ويلارىن ورتاعا سالدى، دەپ حابارلايدى Almaty-akshamy.kz.
«قالا باسشىسى ب.ساعىنتايەۆ نۇر-سۇلتانداعى ورتالىق كوممۋنيكاسيالار قىزمەتى الاڭىندا مەگاپوليستىڭ بولاشاقتاعى دامۋ جوسپارىمەن ءبولىستى. ونىڭ ىشىندە كوپتەگەن ماسەلەلەر ايتىلدى. ەپيدەميولوگيالىق جاعداي، شاعىن جانە ورتا بيزنەستى دامىتۋ، يندۋستريا، تۋريزم، ەكولوگيا، الەۋمەتتىك قولداۋ دا نازاردان تىس قالعان جوق. وسىنىڭ ىشىندە ءبىلىم سالاسىن ارتتىرۋعا قاتىستى ايتقان پىكىرلەرى ەرەكشە ۇنادى. ءقازىر قالادا بالالارعا ارنالعان دەنە شىنىقتىرۋ-ساۋىقتىرۋ كەشەندەرى سالىنىپ جاتىر.
الماتى جىل سايىن كوركەيىپ كەلەدى. قاي مەكتەپتىڭ جاقسى ەكەنىن اتا-انانىڭ سول مەكتەپكە بالالارىن بەرۋگە تىرىساتىنىنان-اق بىلۋگە بولادى. ەشقانداي مەكتەپ اكىمشىلىگى «ءبىزدىڭ ءبىلىم ورداسىنا كەلىڭىز» دەپ شاقىرمايدى. سول سەكىلدى الماتىنىڭ كەرەمەتتىگى سونشالىق، بارشا حالىق مەگاپوليستىڭ اينالاسىندا تۇرعىسى كەلەدى. شاھاردا حالىق جىل سايىن كوبەيىپ جاتىر. قانشا جاعداي جاساعانمەن، ارينە اۋداندار قوسىلعان سايىن، حالىق سانى ارتقان سايىن جۇمىس اياقتالمايدى. قالا ءارى قاراي دامي بەرەدى. ءقازىردىڭ وزىندە حالىققا بارىنشا جاقسى جاعداي جاسالۋدا.
سوندىقتان جۇرتشىلىق تا جاسالعان دۇنيەنىڭ قۇنىن ءبىلۋى كەرەك. قالانىڭ دامۋىنا وزدەرىنىڭ ۇلەسىن قوسۋى ءتيىس. ەكولوگيالىق جاعىنان، شاھاردى تازا ۇستاۋعا جاناشىرلىقپەن قاراپ، ىستەلىنگەن تىرلىكتەرگە ىقتياتتىقپەن، سونىڭ يەسى رەتىندە وزدەرى دە قولىنان كەلگەن كومەكتەرىن اياماۋى قاجەت. كەيبىرەۋلەر شەت ەل تاپ-تازا، كەرەمەت دەپ جاتادى. ونى سول ەلدىڭ ۇكىمەتى ەمەس، حالىقتىڭ تازالىققا دەگەن كوزقاراسى ءتۇزۋ بولعاندىعىنان جاقسارىپ جاتىر. سوندىقتان ءبىز دە حالىقتىڭ تازالىققا دەگەن مادەنيەتىن ارتتىرۋىمىز كەرەك»،- دەيدى ارداگەر-ۇستاز اياگۇل ميرازوۆا.