الماتى قالاسىنىڭ اكىمى باقىتجان ساعىنتايەۆ 25 ماۋسىم كۇنى ورتالىق كوممۋنيكاسيالار قىزمەتى الاڭىندا باسپا ءسوز ءماسليحاتىنا قاتىسىپ، ب ا ق وكىلدەرىنىڭ سان ءتۇرلى سۇراقتارىنا جاۋاپ بەرىپ، قالامىزدىڭ دامۋى مەن ەكونوميكا، ەكولوگيا، بيزنەس، ءوقۋ-بىلىم، مەديسينا سالاسىنداعى وزەكتى ماسەلەلەر مەن اتقارىلعان ىستەرگە توقتالدى، بولاشاق جوسپارلارمەن ءبولىستى.
مەگاپوليس باسشىسىنىڭ اتقارىلعان ىستەر جونىندەگى ءسوزىن تىڭداعان قالا تۇرعىندارى بۇگىن ءوز ويلارىن ورتاعا سالدى، دەپ حابارلايدى Almaty-akshamy.kz.
«كوروناۆيرۋستىق داعدارىستىڭ كورسەتكەن باستى ساباعى – ءبىز دارىگەرلەر مەن جەدەل جاردەم قىزمەتكەرلەرىنىڭ جاۋاپتى جۇمىسىنا مۇقتاجبىز، سولاردىڭ ارقاسىندا بۇل ىندەتتى جەڭەتىنىمىزگە سەنەمىن. كۇن دەمەي، ءتۇن دەمەي جۇمىستارىن اتقارىپ جاتىر، مىڭ العىس. سوندىقتان دا، الماتى قالاسى اكىمىنىڭ تاراپىنان دارىگەرلەرگە كورسەتىلىپ جاتقان الەۋمەتتىك كومەك – وتە دۇرىس جانە قاجەتتى شەشىم.
پاندەمياعا بايلانىستى دارىگەرلەرمەن بىرگە «قاتارداعى جاۋىنگەر» بولىپ جۇرگەندەر - بۇل، ارينە – ۆولونتەرلار. ەلىمىزدىڭ جاستارى بۇكىل جاۋاپكەرشىلىكتى ءتۇسىنىپ، قورىقپاي، كۇرەسكە اتسالىسقاندارى ماقتانارلىق جاعداي. سوندىقتان دا ۆولونتەرلەر مەملەكەت ولارمەن بىرگە ەكەنىن سەزىنسە، ولاردىڭ قاتارى ۇلكەيمەك، دەمەك، ەل ءۇشىن قىزمەت ەتەتىن ادام سانى دا ارتادى. مەگاپوليس باسشىسى باقىتجان ساعىنتايەۆ الەۋمەتتىك كومەك تۇرعىسىندا ايتىپ وتكەندەي، ءۇي سەرتيفيكاتتارىن تابىستاۋ الماتىدا ەرەكشە قارقىن الىپ كەلەدى. بۇكىل جاستاردىڭ پروبلەماسى – قونىس. ەكى-ۇش جۇمىستا ىستەپ، نەسيە الىپ جۇرگەندىكتەن، تابىسى كوبىرەك جۇمىس ىزدەيدى. سوندىقتان «الماتى جاستارى» باسپانا باعدارلاماسى جاستار ءۇشىن وتە ۇلكەن كومەك. ءۇيىڭ بولسا، الاڭسىز ءوز ماماڭدىعىنا 100 پايىز بەرىلىپ ەڭبەك ەتەسىڭ»، - دەيدى جاستاردىڭ بەلسەندى وكىلى الماس ساعىن ۇلى.