نۇرسۇلتان نازاربايەۆ "سپۋتنيك-V" ۆاكسيناسىن الدى
قازاقستاننىڭ تۇڭعىش پرەزيدەنتى نۇرسۇلتان نازاربايەۆ قاراعاندى فارماسيەۆتيكالىق زاۋىتىندا وندىرىلگەن «سپۋتنيك V» ۆاكسيناسىنىڭ ءبىرىنشى كومپونەنتىن الدى، دەپ حابارلايدى Almaty-akshamy.kz Almaty.tv-نىڭ ەلباسىنىڭ سايتىندا جاريالاعان حابارىنا سىلتەمە جاساي وتىرىپ.
ۆاكسينا العان سوڭ ن.نازاربايەۆ قازاقستاندىقتاردى سانيتارلىق-ەپيدەميولوگيالىق قاۋىپسىزدىك شارالارىن ساقتاۋعا جانە بەلسەندى تۇردە ەكپە جاساتۋعا شاقىردى.
«قازىرگى ۋاقىتتا قازاقستاندا ءۇش ميلليونعا جۋىق ادام ۆاكسينالاندى. بارلىق قازاقستاندىقتاردى ۆاكسينالاۋدى بەلسەندى جالعاستىرۋعا جانە ودان قورىقپاۋعا شاقىرامىن. ۆيرۋستىڭ جاڭا شتامدارىنىڭ پايدا بولۋىنا بايلانىستى ۆاكسينانى ءقازىر الۋ وتە ماڭىزدى. مۇنى ءوز دەنساۋلىعىڭىز ءۇشىن جاساۋىڭىز كەرەك. ءبىز قيىن ۋاقىتتا ءومىر ءسۇرىپ جاتىرمىز. ءبىز وسىنىڭ ءبارىن بىرگە باستان وتكەرۋىمىز كەرەك. بارشاڭىزعا دەنساۋلىق پەن يگىلىك تىلەيمىن»، - دەدى قازاقستاننىڭ تۇڭعىش پرەزيدەنتى.