رەيتينگ سوڭىندا وڭتۇستىك سۋدان، چاد، نيگەر ەلدەرى تۇر.
قازاقستان ادام دامۋى يندەكسىندە 191 ەلدىڭ ىشىنەن 56-ورىندى يەلەندى. بۇل تۋرالى بىرىككەن ۇلتتار ۇيىمىنىڭ جاڭا بايانداماسىندا ايتىلدى، دەپ حابارلايدى Almaty-akshamy.kz Inbusiness.kz سىلتەمە جاساپ.
ادام دامۋىن سارالاعان رەيتينگتەگى العاشقى بەستىككە شۆەيساريا، نورۆەگيا، يسلانديا، گونكونگ جانە اۆستراليا كىردى. اقش بۇل تىزىمدە 21-ساتىعا جايعاسسا، كورشىلەرىمىز رەسەي – 52، وزبەكستان – 101، قىرعىزستان 118-ورىندا تۇر.
ال رەيتينگتى وڭتۇستىك سۋدان، چاد، نيگەر ەلدەرى اياقتايدى.
«جالپى، حالىقتىڭ ءبىلىمىن، دەنساۋلىعىن، ءومىر ءسۇرۋ دەڭگەيىن ولشەيتىن يندەكس الەم بويىنشا وسىمەن ەكىنشى جىل قاتارىنان تومەندەپ بارادى. بۇعان بىرىنە ءبىرى جالعاسىپ جاتقان داعدارىستار سەبەپ»،- دەيدى ساراپشىلار.