مەملەكەت باسشىسىنىڭ جارلىعىمەن ءبىرقاتار ەلدەردەگى قازاقستان ەلشىلەرى تاعايىندالدى، دەپ حابارلايدى Almaty-akshamy.kz
پرەزيدەنتتىڭ جارلىقتارىن اقوردانىڭ رەسمي سايتى جاريالادى.
مەملەكەت باسشىسىنىڭ جارلىقتارىمەن:
قازاقستان رەسپۋبليكاسىنىڭ ۇلىبريتانيا جانە سولتۇستىك يرلانديا قۇراما كورولدىگىندەگى توتەنشە جانە وكىلەتتى ەلشىسى ماعجان جانبوتا ۇلى ءىلياسوۆ قازاقستان رەسپۋبليكاسىنىڭ يسلاندياداعى، يرلاندياداعى توتەنشە جانە وكىلەتتى ەلشىسى قىزمەتىن قوسا اتقارۋشى بولىپ تاعايىندالدى؛
قازاقستان رەسپۋبليكاسىنىڭ شۆەيساريا كونفەدەراسياسىنداعى توتەنشە جانە وكىلەتتى ەلشىسى قايرات اسانياز ۇلى سارجانوۆ قازاقستان رەسپۋبليكاسىنىڭ ليحتەنشتەين كنيازدىگىندەگى، ۆاتيكان مەملەكەتىندەگى جانە يەرۋساليم، رودوس جانە مالتا قاسيەتتى يواننىنىڭ ەگەمەندى اسكەري گوسپيتالەرلەر وردەنىنىڭ جانىنداعى توتەنشە جانە وكىلەتتى ەلشىسى قىزمەتىن قوسا اتقارۋشى بولىپ تاعايىندالدى.