ناۋرىزدا ەلىمىزدە بەنزين ءوندىرۋ كولەمى 0،5%-عا قىسقاردى.
بۇل تۋرالى ۇلتتىق ستاتيستيكا بيۋروسى ءمالىم ەتتى، دەپ حابارلايدى Almaty-akshamy.kz Ulysmedia.kz-كە سىلتەمە جاساپ.
«قازاقستاندا 2023 جىلعى ناۋرىزدا 408 مىڭ توننا بەنزين شىعارىلدى، بۇل ءبىر جىل بۇرىنعى شىعارىلىمنان 0،5%-عا تومەن»، - دەلىنگەن حابارلامادا.
ستاتيستيكالىق مالىمەتتەرگە سايكەس، ناۋرىز ايىندا 443 مىڭ توننا (-2،4%) گازويل، 208 مىڭ توننا (-17،9%) مازۋت، 38 مىڭ توننا (- 38،6%) كەروسين ءوندىرىلدى.
ايتا كەتەيىك، ەلىمىزدە 12 ساۋىردەن باستاپ بەنزين باعاسى ءوستى
سمايىلوۆ بەنزين باعاسىن ءوسىرۋ ءماجبۇرلى شارا ەكەنىن ايتقانىمەن، دەپۋتاتتار جانارمايدىڭ قىمباتتاۋىنان بيۋدجەت ەمەس، دەلدالدار عانا ۇتاتىنىن ايتتى.