«قازگيدرومەت» رمقك 17 قىركۇيەكتە پاۆلودار وبلىسىنىڭ ورتالىعىندا وتە جوعارى ءورت ءقاۋپى كۇتىلەتىنىن مالىمدەدى، دەپ حابارلايدى Almaty-akshamy.kz Inform.kz-كە سىلتەمە جاساپ.
وسى كۇنى تۇندە باتىس قازاقستان وبلىسىنىڭ باسىم بولىگىندە، كۇندىز سولتۇستىگىندە، وڭتۇستىك-شىعىسىندا نايزاعاي تۇسەدى. جەل وڭتۇستىكتەن، وڭتۇستىك-شىعىستان سوعادى، كۇندىز وبلىستىڭ سولتۇستىگىندە، وڭتۇستىك-شىعىسىندا ەكپىنى 15-20 م/س دەيىن جەل سوعادى. و
اتىراۋ وبلىسىنىڭ تۇندە شىعىسىندا، كۇندىز باتىسىندا، سولتۇستىگىندە نايزاعاي ءتۇسۋى مۇمكىن، ال وڭتۇستىگىندە توتەنشە ءورت ءقاۋپى ساقتالادى.
«17 قىركۇيەكتە اقمولا وبلىسىنىڭ وڭتۇستىگىندە، باتىسىندا كۇندىز وڭتۇستىك-شىعىستان جەل سوعادى، ەكپىنى 15-20 م/س كۇتىلەدى. وبلىستىڭ سولتۇستىگىندە، وڭتۇستىك-شىعىسىندا تۇندە 2 گرادۋس ۇسىك جۇرەدى.
نۇر-سۇلتان قالاسىندا دا تۇندە توپىراق بەتىندە 1 گرادۋس ۇسىك بولادى»، - دەپ جازدى ۆەدومستۆو.
سينوپتيكتەر وسى كۇنى تۇندە شىعىس قازاقستان وبلىسىنىڭ سولتۇستىگىندە، شىعىسىندا 2 گرادۋس ۇسىك ساقتالاتىنىن حابارلاعان.
17-19 قىركۇيەك ارالىعىندا تۇندە قاراعاندى وبلىسىنىڭ سولتۇستىك-شىعىسىندا 3 گرادۋس ۇسىك بولادى.
وسى كۇندەرى ۇلىتاۋ وبلىسىنىڭ دا سولتۇستىك-شىعىسىندا توپىراق بەتىندە 1 گرادۋس ۇسىك جۇرەدى.
17 قىركۇيەكتە قىزىلوردا وبلىسىندا توتەنشە ءورت ءقاۋپى ساقتالادى.
جەتىسۋ وبلىسىنىڭ سولتۇستىگىندە، شىعىسىندا سولتۇستىك-شىعىستان جەل سوعادى، كۇشى - 15-20 م/س. تۇندە وبلىستىڭ ورتالىعىندا جانە تاۋلى اۋداندارىندا 1-6 گرادۋس ۇسىك ساقتالادى.
وسى ءتۇننىڭ ءبىرىنشى جارتىسىندا تۇركىستان وبلىسىنىڭ تاۋلى جانە تاۋ بوكتەرلى اۋداندارىندا، كۇندىز تاۋلارىندا نايزاعاي، داۋىل كۇتىلەدى. شىعىستان، وڭتۇستىك-شىعىستان جەل سوعادى، نايزاعاي كەزىندە ەكپىنى 15-20 م/س بولادى. وبلىستىڭ باسىم بولىگىندە توتەنشە ءورت ءقاۋىپى ساقتالادى.
«17 قىركۇيەكتە قوستاناي وبلىسىنىڭ باتىسىندا، سولتۇستىگىندە نايزاعاي تۇسەدى. وڭتۇستىك-شىعىستان جەل سوعادى، جوعارى ءورت قاۋپتىلىگى ساقتالادى.
17-19 قىركۇيەكتە جامبىل وبلىسىنىڭ تاۋلى اۋداندارىندا نايزاعاي تۇسەدى. سولتۇستىك-شىعىستان جەل سوعادى، توتەنشە ءورت ءقاۋپى كۇتىلەدى»، - دەلىنگەن قازگيدرومەت حابارلاماسىندا.
تۇندە جانە تاڭەرتەڭ سولتۇستىك قازاقستان وبلىسىنىڭ سولتۇستىك-شىعىسىنا تۇمان تۇسەدى. وڭتۇستىك-شىعىستان جەل سوعادى، كۇندىز وبلىستىڭ سولتۇستىگىندە، باتىسىندا ەكپىنى 15-20 م/س. تۇندە وبلىستىڭ وڭتۇستىك-شىعىسىندا 2 گرادۋس ۇسىك كۇتىلەدى.