الماتى قالاسىنىڭ مادەنيەت باسقارماسى مەگاپوليس تۇرعىندارى مەن قوناقتارىنا قالا كۇنىن اتاپ ءوتۋ اياسىندا ءتۇرلى مەرەكەلىك باعدارلاما ازىرلەپ قويدى، سونىڭ ىشىندە ەرەكشە اتاپ وتۋگە تۇرارلىعى «سۇيەمىن سەنى، الماتى» دەگەن سيمۆوليكالىق اتاۋى بار street festival.
17-18 قىركۇيەك كۇندەرى اباي الاڭىندا اباي شىعارماشىلىعىنا ارنالعان تەاترلاندىرىلعان پەرفومانس رەترو فەستيۆالى وتەدى. سوپى كەيىپتەگى اكتەرلەر كورەرمەندەردى بەلسەندى اكتەرلىك ىس-ارەكەتكە تارتادى، ال ستيلدەنگەن مۋزا ىزدەۋشى جاس اقىندار شابىتتى كوپتىڭ كوزىنەن ىزدەيتىن بولادى. شيىرشىق قاعازدارداعى اقىن ولەڭدەرى الاڭدا قايتا جاندانىپ، ال بۇل تاڭعاجايىپ كورىنىستى وتكەن عاسىر كوستيۋمدەرىن كيگەن حودۋليستەر تولىقتىرماق. كەز كەلگەن ادام قالاۋى بويىنشا قازاق ۇلتتىق مۋزىكالىق اسپاپتارى ينتەراكتيۆى مەن قازاقى وريگامي جاساۋ بويىنشا شەبەرلىك سىنىبىنا قاتىسا الادى. سونداي-اق اباي، جامبىل، شوقان ءۋاليحانوۆ سياقتى تاريحي تۇلعالار كەيىپىندەگى بيىك فيگۋرالاردىڭ شەرۋى دە جوسپارلانىپ وتىر.
ءدال وسى اباي الاڭىندا كومپوزيتور ءشامشى قالداياقوۆتىڭ ۇلى، اباي اتىنداعى قۇوبت-نىڭ ديريجەرى مۇحتار قالداياقوۆتىڭ باسقارۋىمەن ەسترادالىق سيمفونيكالىق وركەستردىڭ جانە الماتى ساحناسىنداعى الدىڭعى قاتارلى وپەرالىق سوليستەردىڭ قاتىسۋىمەن اباي شىعارماشىلىعىنا ارنالعان جاندى كوسەرت وتەدى. كومپوزيتورعا ارنالعان فوتوايماقتار مەن فوتوگالەرەيالار 60-70 جىلدارداعى الماتى اتموسفەراسىن بەينەلەيتىن بولادى. ال ۆالس بيلەۋشىلەرگە ارنايى بي الاڭى ۇيىمداستىرىلادى.