الماتىلىق كەلىنشەك ءتورت اي بويى ءسابيىنىڭ ۇل ەمەس، قىز ەكەنىن دالەلدەي الماي كەلگەن

سەبەبى ءسابيدىڭ قۇجاتىن پەرزەنتحاناداعىلار دۇرىس تولتىرماعان

Nur Otan پارتياسى باسپا ءسوز قىزمەتىنىڭ مالىمەتىنشە، پارتيانىڭ الماتى قالالىق فيليالىنا ماقپال نۇرلان ەسىمدى كەلىنشەك №3 قالالىق پەرزەنتحاناعا شاعىمىن ايتىپ حابارلاسقان.

ول 2021 جىلعى 29 قىركۇيەك كۇنى دۇنيەگە كەلگەن قىزىنىڭ جىنىسىن پەرزەنتحانا قىزمەتكەرلەرى اقپاراتتىق بازاعا «ۇل» دەپ قاتە تىركەپ جىبەرگەن ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ. 

قاتە جاسالعانىنا 4 اي ۋاقىت وتسە دە، وزگەرىس ەنگىزۋ جۇمىسى ناتيجەسىن بەرمەگەن.

«Nur Otan پارتياسى الماتى قالالىق فيليالى قالالىق ءماسليحات دەپۋتاتى ءاسيا اقانوۆامەن بىرلەسىپ، ق ر دەنساۋلىق ساقتاۋ مينيسترلىگىنىڭ اقپاراتتىق بازاسىنداعى قاتەلىكتى تۇزەتۋ بويىنشا جۇمىسى ناتيجەسىن بەردى. پارتياعا حابارلاسقالى 10 كۇن ىشىندە قىزدىڭ اناسى تۋۋ تۋرالى كۋالىكتى قولىنا الىپ وتىر. اتالعان جايتقا ۇقساس ماسەلەلەر بويىنشا پارتياعا ازاماتتار ءجيى حابارلاسادى. بارلىق وتىنىشتەر پارتيانىڭ باقىلاۋىنا الىنىپ، ءتيىستى شارالار اتقارىلادى»، - دەپ حابارلادى پارتيانىڭ باسپا ءسوز قىزمەتى.

مىسالى، قازىرگى ساتتە قالاداعى ءبىر مەكەمە ەسەپشىسىنىڭ قاتەلىگىنەن نارەستەنىڭ اناسى بالا تۋۋعا جانە بالا كۇتىمى بويىنشا جاردەماقىنى جارتى جىلدان بەرى الا الماي ءجۇر.