امەريكالىق Forbes جۋرنالى ازيا-تىنىق مۇحيتى ءوڭىرىنىڭ وكىلدەرى اراسىنداعى 30 جاسقا دەيىنگى الەۋەتى زور سپورتشىلاردىڭ ءتىزىمىن جاريالاعان.
وعان قازاقستاننىڭ ءبىرىنشى راكەتكاسى ەلەنا رىباكينا ەنگەن، دەپ حابارلايدى Almaty-akshamy.kz.
«تاعى ءبىر بولاشاعى جارقىن سپورتشى - بۇل ەلەنا رىباكينا. ول - «ۋيمبلدون» ءتۋرنيرىن جەڭىپ العان العاشقى قازاقستاندىق. قازىرگى ۋاقىتتا تەننيسشى الەمدىك رەيتينگتە ءتورتىنشى ساتىدا تۇر جانە 10 ميلليون دوللارعا جۋىق تابىس تاپتى»، - دەلىنگەن حابارلامادا.
ەسكە سالا كەتەيىك، جاقىندا ەلەنا رىباكينا ريم WTA 1000 ءتۋرنيرىنىڭ جەڭىمپازى اتاندى. ول فينالدا ۋكراينا وكىلى انگەلينا كالينينادان باسىم ءتۇستى. قازىرگى ۋاقىتتا قازاقستاندىق تەننيسشى الەمدىك رەيتينگتە 4-ورىندا تۇر.