جول اپاتى جىل سايىن 2،5 مىڭ ادامنىڭ ءومىرىن جالمايدى.
ق ر ءىىم وكىلدەرىنىڭ سوزىنە قاراعاندا، جولداعى اپات سانىن تەك پوليسيا كۇشىمەن ازايتۋ مۇمكىن ەمەس.
بۇل تۋرالى ەلوردادا جولداعى قاۋىپسىزدىك سالاسىندا جاڭا تەحنولوگيالاردى پايدالانۋ تاقىرىبىنداعى فورۋمدا ق ر ىشكى ىستەر ءمينيسترىنىڭ ورىنباسارى يگور لەپەحا ايتتى، دەپ حابارلايدى Almaty-akshamy.kz.
«جىل سايىن 2،5 مىڭعا جۋىق ادام جول اپاتىنان مەرت بولادى. سونىمەن قاتار، تاعى 19-عا جۋىق ادام جارالانىپ وتىر» - دەدى يگور لەپەحا.
ونىڭ ايتۋىنشا، بۇل ماسەلە بويىنشا ەلىمىزدەگى جاعداي كۇردەلى. سوندىقتان جولداعى قاۋىپسىزدىككە قاتىستى ەرەكشە نازار اۋدارىلىپ وتىر. دەگەنمەن جولداعى اپات سانىن تەك پوليسيا كۇشىمەن ازايتۋ مۇمكىن ەمەس
«بۇل ماسەلە مەملەكەت باسشىسىنىڭ قاتىسۋىمەن بولعان ءقاۋىپسىزدىڭ كەڭەسى وتىرىسىندا بىرنەشە رەت قارالدى. ەلىمىزدە اۆتوكولىك پاركى ەلەۋلى تۇردە ءوستى. كەيىنگى 12-15 جىلدا اۆتوكولىك سانى 3 ملن-نان 5 ملن-عا دەيىن ارتتى. سونىمەن قاتار، جىل سايىن حالىقارالىق ترانزيت اعىنى دا ءوسىپ كەلەدى. جاز كەزىندە ەلىمىزگە وزدەرىنىڭ كولىگىمەن ساپارلاپ كەلەتىن شەتەل ازاماتتارى كوبەيەدى. ەلىمىزدىڭ ازاماتتارى دا باسقا وڭىرلەرگە بارادى. بۇل تۇرعىدا جولداعى اپات كۇرت ءوسۋى مۇمكىن. جولداعى اپات سانىن تەك پوليسيا كۇشىمەن ازايتۋ مۇمكىن ەمەس»، - دەدى يگور لەپەحا.
جىل سايىن ەلىمىزدە 13 مىڭ جول-كولىك وقيعاسى تىركەلەدى.