قازاقستانداعى كيىك سانى 1،9 ملن. استى
ەكولوگيا مينيسترلىگىنىڭ اقپاراتىنا سايكەس، 2023 جىلعى اۋە ساناعى دەرەكتەرىنە سايكەس كيىكتەردىڭ ءۇش پوپۋلياسياداعى سانى بيىل 597 مىڭ باسقا ارتتى، ياعني 45،3% -عا. ولاردىڭ ىشىندەگى ەڭ كوبى - ورال پوپۋلياسياسىنىڭ سانى 1،13 ملن-عا جەتكەن، بەتپاقدالا – 745 300، ءۇستىرت - 39 700.
ەستەرىڭىزگە سالا كەتەيىك، كيىكتەردىڭ سانىن انىقتاۋ ماقساتىندا ەلىمىزدە 15 ءساۋىر مەن 5 مامىر ارالىعىندا اۋە ساناعى جۇرگىزىلدى. اتالمىش جانۋارلاردى ساناۋعا «وحوتزووپروم» ءوب» رمقك، ورمان شارۋاشىلىعى جانە جانۋارلار دۇنيەسى كوميتەتىنىڭ اۋماقتىق ينسپەكسيا قىزمەتكەرلەرى، سونىمەن قاتار قازاقستانداعى بيوالۋانتۇرلىلىكتى ساقتاۋ قاۋىمداستىعىنىڭ عىلىمي ماماندارى جۇمىلدىرىلعان.