قازاقستاننىڭ ءبىرىنشى، الەمنىڭ 20-راكەتكاسى ەلەنا رىباكينا ينديان-ۋەللس WTA 1000 ءتۋرنيرىنىڭ ءتورتىنشى اينالىمىنا شىقتى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
قازاقستاندىق تەننيسشى ءۇشىنشى اينالىمدا كەزىندە دۇنيەجۇزىلىك رەيتينگتە كوش باستاعان، ءقازىر الەمنىڭ 15-راكەتكاسى، اۋستراليا اشىق چەمپيوناتىنىڭ ەكى دۇركىن چەمپيونى، وسى جارىستىڭ وتكەن جىلعى ءفيناليسى، بەلارۋس وكىلى ۆيكتوريا ازارەنكومەن شەبەرلىك سىناستى.
قارسىلاستار بۇعان دەيىن كەزدەسپەگەن ەدى. ە.رىباكينا ساعات جارىمنان استام ۋاقىتقا سوزىلعان ماچتا 6:3، 6:4 ەسەبىمەن جەڭىسكە جەتتى. ەكىنشى سەتتە ۆ.ازارەنكو مەديسينالىق كومەككە دە جۇگىندى.
قازاقستاندىق تەننيسشى 5 ەيس جاساپ، 8 برەيك-پوينتتىڭ ەكەۋىن پايدالاندى. بەلارۋس سپورتشىسى 3 ەيسپەن شەكتەلدى.
ە.رىباكينا جۇلدە قورى 8،4 ملن اقش دوللارىنا باعالانعان دودانىڭ شيرەك فينالىنا شىعۋ ءۇشىن الەمنىڭ 51-راكەتكاسى، شۆەيساريالىق ۆيكتوريا گولۋبيچپەن تالاسادى. ول وسى جارىستىڭ ەكىنشى اينالىمىندا تاعى ءبىر قازاقستاندىق يۋليا پۋتينسيەۆانى ۇتىپ كەتكەن ەدى.