«بەيبىتشىلىك ءۇشىن بىرگە» ۇرانىمەن وتكەن جاتتىعۋعا جۇزدەن استام ەلدىڭ وكىلدەرى شاقىرىلدى
قازاقستان قورعانىس مينيسترلىگىنىڭ دەلەگاسياسى قارۋلى كۇشتەردىڭ اسكەري-تەڭىز كۇشتەرى باس قولباسشىسىنىڭ ورىنباسارى، 1-دارەجەلى كاپيتان دانيار حايرۋشيەۆتىڭ باسشىلىعىمەن پاكىستانعا باردى، دەپ حابارلايدى Almaty-akshamy.kz.
قازاقستاندىقتار پاكىستان قارۋلى كۇشتەرى اسكەري-تەڭىز كۇشتەرىنىڭ باس قولباسشىسى، ادميرال مۇحاممەد امدجاد حان ءنيازيدىڭ شاقىرۋىمەن AMAN-2023 كوپجاقتى اسكەري-تەڭىز جاتتىعۋىنا باقىلاۋشىلار رەتىندە قاتىسۋعا قاراشيگە كەلدى.
«بەيبىتشىلىك ءۇشىن بىرگە» ۇرانىمەن وتكەن جاتتىعۋعا جۇزدەن استام ەلدىڭ وكىلدەرى شاقىرىلدى. اتالمىش وقۋ-جاتتىعۋلار ەلدەر اراسىنداعى اسكەري ىنتىماقتاستىقتى دامىتۋعا، كەمەلەر قارقىندى قاتىناساتىن اۋدانداردا جانە ىزدەستىرۋ-قۇتقارۋ وپەراسيالارىن جۇرگىزۋ كەزىندە تەڭىز قاراقشىلىعىنان كەلەتىن قاۋىپ-قاتەرلەرىن تويتارۋ بويىنشا اسكەري تەڭىزشىلەر اراسىندا تاجىريبە الماسۋعا باعىتتالعان.
ساپار بارىسىندا قازاقستاندىقتار اسكەري-تەڭىز ونىمدەرىن شىعارۋعا ماماندانعان كاسىپورىنداردىڭ جاڭا تەحنولوگيالارى مەن ازىرلەمەلەرى قويىلعان I حالىقارالىق تەڭىز كورمەسىنە باردى. كاسىبي تاجىريبە الماسۋ تۇرعىسىنان PIMEC-2023 حالىقارالىق كونفەرەنسياسىنىڭ دا پايداسى زور.