ەلىمىزدەگى وليگارحتار جىلۋ ەلەكتر ورتالىعىن قايتارۋ كەزىندە بارلىق شىعىندى وتەۋى ءتيىس.
بۇل تۋرالى ءماجىلىس دەپۋتاتى ەرلان سايروۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بۇگىن پارلامەنت ماجىلىسىندە تىلشىلەر دەپۋتاتتان «ەكىباستۇزجىلۋەنەرگو» ج ش س قۇرىلتايشىسى الەكساندر كلەبانوۆ جىلۋ ەلەكتر ورتالىعىن مەملەكەتكە قازىرگى جاعدايىندا بەرە سالۋى مۇمكىندىگى تۋرالى سۇرادى.
«قازاقستاننىڭ ءار ازاماتى وسىنداي مۇلىك ءۇشىن جاۋاپتى بوۋلى كەرەك. ەگەر كلەبانوۆ وسى نىسانداردى مەملەكەتكە قايتاراتىن بولسا، حالىققا جانە مەملەكەتكە كەلتىرىلگەن زالالدى وتەۋى كەرەك. ەكى كۇن بۇرىن اكىمدىكتە جينالىس بولدى، وعان كلەبانوۆ تا كەلدى. سول كەزدە وسى جايىندا وعان ايتتىق. ونىڭ ايتۋىنشا، اتالعان نىساندى ءبىر تەڭگەگە مەملەكەتكە ساتپاق. ءبىز ءوز كەزەگىمىزدە ولاي بولمايتىنىن، ياعني ءبىرىنشى كەزەكتە كاسىپورىندى يەلىككە العان كەزدە ونىڭ جاعدايى مەن قازىرگى احۋالىن سالىستىرىپ، سونىڭ ايىرماشىلىعىن انىقتاپ الۋدى تالاپ ەتتىك. وسى ورايدا كاسىپكەر بۇل ايىرماشىلىقتى تولەۋى ءتيىس، سونداي-اق ەكىباستۇزدىڭ تۇرعىندارىنا كەلگەن شىعىندى وتەپ بەرۋى كەرەك»، - دەدى ە. سايروۆ.
ونىڭ ايتۋىنشا، ەلىمىزدەگى وليگارحتار جىلۋ ەلەكتر ورتالىعىن قايتارۋ كەزىندە بارلىق شىعىندى وتەۋى ءتيىس. سەبەبى بۇل جەلىلەردىڭ كوبى جەكە مەنشىكتە.
«سوندىقتان وليگارح توپتار تۇرعىنداردىڭ تاعدىرىنا جاۋاپكەرشىلىكپەن قاراۋى كەرەك»، - دەدى دەپۋتات.