الماتىدا 1 قاڭتاردان باستاپ اۋلالارداعى اۋماقتار اۋدان اكىمدىكتەرىنىڭ ەسەبىنەن تازارتىلادى
بۇل تۋرالى ە.دوسايەۆتىڭ تۇركسىب اۋدانى تۇرعىندارىمەن كەزدەسۋىندە ايتىلدى، دەپ حابارلايدى Almaty-akshamy.kz.
اۋدان تۇرعىندارىنىڭ ءبىرى بۇل جيىندا ماسەلە كوتەردى.
- سۇراعىم اۋماقتى تازالاۋعا قاتىستى. تۇركسىب اۋدانىنىڭ اكىمدىگى ءۇي اينالاسىنداعى اۋماقتى مويىنداماي وتىر. بالالار اۋماعىنا تازالىق جۇرگىزگىلەرى كەلمەيدى. اۋدان اكىمدىگىنەن پيك-مەن بىرگە كەلدى، جانە ولار پيك تازالىق جۇرگىزەدى دەپ سەندىرگەن بولاتىن، ءبىراق ولاردا اقشا جوق. بىزدە الاڭداردى جينايتىن قاراجات جەتپەيدى، - دەدى اۋدان تۇرعىنى.
«مەن سىزبەن كەلىسەمىن، پيك (پاتەر يەلەرى كووپەراتيۆى) جانە قس (قاراپايىم سەرىكتەستىك) قۇرۋ كەزىندە بىزدە ىشكى اۋلالار يەسىز قالدى. 2023 جىلدىڭ 1 قاڭتارىنان باستاپ مەنىڭ باستاماممەن اۋداندارعا اۋلالاردى تازالاۋعا قاراجات ءبولۋدى قاراستىردىق»، - دەدى ەربولات دوسايەۆ.