قازاقستان 2024 جىلى ازياداعى ءوزارا ءىس-قيمىل جانە سەنىم سارالارى جونىندەگى كەڭەس (اوسشك) مەن تۇركى مەملەكەتتەرى ۇيىمىندا ءتوراعالىق ەتىپ، ماڭىزدى ينستيتۋسيونالدىق جانە ەكونوميكالىق جەتىستىكتەرگە قول جەتكىزدى، دەپ حابارلايدى aqshamnews.kz
اوسشك ءتوراعالىعىنىڭ نەگىزگى جەتىستىگى – ينستيتۋسيونالدىق دامۋدىڭ جاڭا كەزەڭىنە كوشۋ. ترانسفورماسيانىڭ جول كارتاسى اياسىندا جارعى مەن راسىمدەر ەرەجەلەرى ازىرلەنىپ، سەنىم شارالارىنىڭ كاتالوگى جاڭارتىلدى. سونىمەن قاتار، دانالار كەڭەسى، تالداۋ ورتالىقتارىنىڭ فورۋمى جانە اوسشك قورى قۇرىلدى. قازاقستاننىڭ باستاماسىمەن قاتىسۋشى ەلدەردىڭ ءوزارا ءىس-قيمىلىن سيفرلاندىرۋ باعىتىندا دەرەكتەر مەن تالدامالىق ماتەريالدارمەن الماسۋ پلاتفورماسى ىسكە قوسىلدى، بۇل كوپجاقتى ىنتىماقتاستىقتىڭ تيىمدىلىگىن ارتتىردى.
تۇركى مەملەكەتتەرى ۇيىمىنا ءتوراعالىق ەتۋ بارىسىندا «TURKTIME!» باعدارلاماسى ىسكە قوسىلىپ، مادەني جانە ەكونوميكالىق ينتەگراسيانى نىعايتۋعا ەلەۋلى ىقپال ەتتى. پرەزيدەنتتىڭ باستاماسى اياسىندا ءبىلىم بەرۋ، عىلىمي زەرتتەۋلەر جانە كاسىپكەرلىك سالاسىنداعى جوبالار جۇزەگە اسىرىلدى. سونداي-اق، قاتىسۋشى ەلدەر اراسىنداعى ەكونوميكالىق ىنتىماقتاستىق 45 ملرد اقش دوللارىنان اسىپ، ايتارلىقتاي ءوسۋ كورسەتىپ وتىر. مەملەكەتتىك رامىزدەردى بىرىزدەندىرۋ جانە ستراتەگيالىق جوبالاردى قولداۋعا ارنالعان ينۆەستيسيالىق قوردىڭ قۇرىلۋى دا ماڭىزدى قادام بولدى.
قازاقستاننىڭ وسى جەتىستىكتەرى حالىقارالىق ارەنادا ەلىمىزدىڭ ءرولىن ءارى قاراي نىعايتۋعا، سونداي-اق وڭىرلىك جانە جاھاندىق دەڭگەيدە ىنتىماقتاستىقتى دامىتۋعا باعىتتالعان ماڭىزدى قادامدار بولدى.