قازاقستان بۇۇ جارعىسىنا قاتاڭ سايكەستىكتە جانە كوپجاقتى ىنتىماقتاستىققا دەگەن ىقىلاسىن ايقىن كورسەتىپ وتىر. بۇل جونىندە 2024 جىلعى قىركۇيەك ايىنداعى حالىققا جولداۋىندا پرەزيدەنت قاسىم-جومارت توقايەۆ مالىمدەدى. مەملەكەت باسشىسى ەلىمىزدىڭ حالىقارالىق قاۋىپسىزدىك پەن تۇراقتىلىق ماسەلەلەرىندە بەلسەندى ءرول اتقارىپ وتىرعانىن اتاپ ءوتتى، دەپ حابارلايدى aqshamnews.kz
2024 جىلى قازاقستان ءبىرقاتار بەدەلدى حالىقارالىق ۇيىمدار مەن پلاتفورمالارعا ءتوراعالىق ەتىپ، وڭىرلىك جانە جاھاندىق ماسەلەلەردى شەشۋگە ايتارلىقتاي ىقپال ەتتى. شانحاي ىنتىماقتاستىق ۇيىمى، تۇركى مەملەكەتتەرى ۇيىمى، ازياداعى ءوزارا ءىس-قيمىل جانە سەنىم سارالارى جونىندەگى كەڭەس سياقتى ۇيىمداردا قازاقستاننىڭ ءتوراعالىق ەتۋى ەلىمىزدىڭ حالىقارالىق ىقپالىن نىعايتۋدا ماڭىزدى قادام بولدى.
شىۇ-عا ءتوراعالىق ەتۋ بارىسىندا 160-تان استام ءىس-شارا ۇيىمداستىرىلىپ، 60 جاڭا قۇجاتقا قول قويىلدى. سونداي-اق، قازاقستان ەۋرازيا ەكونوميكاسىنىڭ، ساۋداسىنىڭ جانە كولىكتىك لوگيستيكاسىنىڭ دامۋ ستراتەگياسىنا باستاماشى بولدى. ءتوراعالىقتىڭ نەگىزگى شاراسى رەتىندە استانا ءسامميتى ءوتتى، بۇل وڭىرلىك جانە حالىقارالىق دەڭگەيدە ىنتىماقتاستىقتىڭ جاڭا مۇمكىندىكتەرىن اشتى.
قازاقستاننىڭ وسىنداي جەتىستىكتەرى ەلىمىزدىڭ حالىقارالىق ساياساتتاعى ماڭىزدى ءرولىن تاعى دا ايقىنداپ وتىر.