«وزدەرىن پەتروپاۆل تۇرعىندارىمىز» دەپ تانىستىرعان توپتىڭ قۇرامىندا 19 ادام بار.
ولار قازاقستاننان «تاۋەلسىزبىز» دەپ مالىمدەمە جاساپ، حالىق كەڭەسى قۇرىلعانىن جاريالادى. ولار قازاقستان رەسپۋبليكاسىن «كورپوراسيا» دەپ اتاپ، ونىڭ قۇقىقتىق نەگىزدەرىن جوققا شىعارادى، دەپ حابارلايدى Almaty-akshamy.kz Ulysmedia.kz-كە سىلتەمە جاساپ.
الەۋمەتتىك جەلىدە 19 ادامنان تۇراتىن ادامنىڭ جينالىس وتكىزىپ جاتقان ۆيدەوسى تارادى.
«ءبىز ازات جانە ەركىن حالىقپىز، ەرلەر مەن ايەلدەر، سقو پەتروپاۆل قالاسىنىڭ تۇرعىندارى قازاقستان رەسپۋبليكاسى كورپوراسياسىنىڭ قۇقىقتىق نەگىزىنىڭ جالعاندىعىنا، حالىقتىڭ ومىرىنە قولايسىز جاعدايلار تۋعىزۋىنا، سونىمەن قاتار، ونىڭ اگەنتتەرىنىڭ ارەكەتكە قابىلەتسىزدىگى مەن ابىرويسىزدىعىنا بايلانىستى يگىلىگىمىز بەن رەسۋرستارىمىزدى باسقارۋ جۇيەسىنىڭ بارلىق قۇرىلتايشىسى مەن قىزمەتشىلەرىنە تولىق سەنىمسىزدىك بىلدىرەمىز. ءبىز حالىق، ءوز تاۋەلسىزدىگىمىز بەن ەگەمەندىگىمىزدى جاريالايمىز»، - دەيدى قاتىسۋشىلار الەۋمەتتىك جەلىلەردە تاراعان بەينەدە.
جينالعاندار ءوزىن «ۇلى وتان سوعىسىندا جەڭىپ شىققان باتىرلاردىڭ ۇرپاعىمىز» دەپ اتايدى.
قازتاگ اگەنتتىگى سقو پوليسيا دەپارتامەنتىنە سىلتەمە جاساي وتىرىپ، ۆيدەودا وتىرعان كىسىلەردىڭ ۇستىنەن قىلمىستىق ءىس قوزعالعانىن حابارلايدى.