الماتى قالالىق پوليسيا دەپارتامەنتىنىڭ باسشىسى جۇرتشىلىق الدىندا ەسەپ بەردى

حالىقپەن ءداستۇرلى كەزدەسۋ وففلاين رەجيمىندە ءوتتى.

الماتى قالالىق پوليسيا دەپارتامەنتىنىڭ باستىعى ارىستانعاني زاپپاروۆ قالا تۇرعىندارى مەن قوناقتارىن كريمينوگەندىك جاعداي تۋرالى حاباردار ەتتى، دەپ حابارلايدى Almaty-akshamy.kz Polisia.kz-كە سىلتەمە جاساپ. 

باسقارما باسشىسىنىڭ ايتۋىنشا، قىلمىس ءبىرشاما ازايعان. 

«ستاتيستيكا ءۇشىن ايتا كەتەيىن، بۇرىن كۇن سايىن 120 قىلمىس تىركەلسە، جىل سوڭىندا بۇل كورسەتكىش تاۋلىگىنە 66 قىلمىستى قۇرادى. وسىلايشا، قىلمىستىڭ بارلىق تۇرلەرىنىڭ تىركەلۋىنىڭ 45%-عا تۇراقتى تومەندەۋ ءۇردىسى بايقالادى. اسا اۋىر قىلمىستار، ينتەرنەت-الاياقتىق، بوپسالاۋ، سەنىپ تاپسىرىلعان مۇلىكتى يەمدەنۋ جانە جىمقىرۋ، قالتا ۇرلىعى جانە اۆتوكولىك ىشىنەن ۇرلىق جاساۋ ازايدى. ءبىز كۇن سايىن قالاداعى قىلمىستىق احۋالعا تالداۋ جاسايمىز جانە وسىنى ەسكەرە وتىرىپ، پوليسيانىڭ مودۋلدىك بەكەتتەرىن قۇقىق بۇزۋشىلىقتار كوپ ورىن الاتىن ورىندارعا كوشىرەمىز»، – دەدى ارىستانعاني زاپپاروۆ.

سپيكەردىڭ ايتۋىنشا، ارنايى اناليتيكاعا سۇيەنە وتىرىپ، ءبىز كۇن سايىن پوليسيا مەن ۇلتتىق ۇلاننىڭ جەكە قۇرامىنان 800 ادامدى جۇمىلدىرىپ، جەتۋ قيىن جەرلەرگە جانە اۋلالارعا جاياۋ پاترۋلدەۋ قىزمەتىن اتقارامىز.