ىشكى ءارى سىرتقى ارانداتۋ ەلىمىزدىڭ تۇتاستىعىنا جىك سالماۋى كەرەك. بۇل تۋرالى قازاقستان حالقى اسسامبلەياسىنىڭ كەزەكتى وتىز ءبىرىنشى سەسسياسىندا پرەزيدەنت قاسىم-جومارت توقايەۆ ءمالىم ەتتى، دەپ حابارلايدى اlmaty-akshamy.kz.
«الەمدەگى سوڭعى وقيعالار اقپاراتتىق تۇرعىدا ءبىزدىڭ قوعامدى كەيدە باعىتتان اداستىرىپ جاتاتىنىن كورىپ ءجۇرمىز. ەلىمىزدىڭ ءار ازاماتى جاريا الاڭعا كىرگەندە ءبىزدىڭ ۇلتتىق مۇددەنى باسشىلىققا الۋى كەرەك. سىرتقى شيەلەنىستەر ءبىزدىڭ ازاماتتار اراسىندا ەتنوسارالىق الاۋىزدىقتى تۇتاتۋ مەن كۇيرەتۋ جولىن قالىپتاستىرۋ ءۇشىن پايدالانىلۋىنا جول بەرىلمەۋى كەرەك»، - دەدى مەملەكەت باسشىسى.
وسى ورايدا پرەزيدەنت ارانداتۋشىلار قايدا تۇرىپ جاتسا دا، قاي ەلدىڭ بولماسىن پاسپورتىن ۇستاپ جۇرسە دە، ءبىزدىڭ بىرلىكتى بۇزا المايتىنىن اتاپ ءوتتى.
مەملەكەت باسشىسى بەيبىتشىلىك پەن بىرلىك قۇندىلىقتارىنسىز ەلىمىزدىڭ بولاشاعى بولمايتىنىن بارشا ازامات ەستە ساقتاۋى ءتيىس ەكەنىن قاداپ ايتتى.
«قازاقستاننان باسقا بىزدە باسقا وتان جوق جانە بولمايدى دا. ىشكى ءارى سىرتقى ارانداتۋعا بوي ۇرماۋ كەرەك»، - دەدى قاسىم-جومارت توقايەۆ.