اتالمىش شارا كۇزدە وتەدى.
كۇزدە قازاقستان اۋماعىندا جەدەل دەن قويۋ ۇجىمدىق كۇشتەرىنىڭ ءبىرقاتار كوماندالىق-شتابتىق وقۋ-جاتتىعۋلارى وتەدى، دەپ حابارلايدى Almaty-akshamy.kz.
«بيىلعى جىلدىڭ قازان ايىندا قازاقستان اۋماعىندا جەدەل دەن قويۋ ۇجىمدىق كۇشتەرىنىڭ «ءوزارا ءىس-قيمىل – 2022» كوماندالىق-شتابتىق وقۋ-جاتتىعۋلارى، بارلاۋ كۇشتەرى مەن قۇرالدارىنىڭ «ىزدەۋ – 2022» ارنايى وقۋ-جاتتىعۋى جانە ماتەريالدىق-تەحنيكالىق قامتاماسىز ەتۋ بولىمشەلەرىنىڭ «ەشەلون – 2022» ارنايى وقۋ-جاتتىعۋ وتەدى»، - دەلىنگەن قورعانىس مينيسترلىگىنىڭ باسپا ءسوز قىزمەتىنىڭ حابارلاماسىندا.
مامانداردىڭ ايتۋىنشا، ورتالىق ازيا ءوڭىرىنىڭ جەدەل ورىستەتۋ ۇجىمدىق كۇشتەرىنىڭ «شەكارا – 2022» بىرلەسكەن وقۋ-جاتتىعۋىن تاجىكستان اۋماعىندا وتكىزۋ جوسپارلانىپ وتىر. سونىمەن قاتار قىرعىزستاندا بىتىمگەرشىلىك بولىمشەلەرىنىڭ «مىزعىماس باۋىرلاستىق – 2022» كوماندالىق-شتابتىق وقۋ-جاتتىعۋى وتەتىنىن ايتا كەتكەن ءجون.
ءىس-شارالار ۇقشۇ ۇجىمدىق قاۋىپسىزدىك جۇيەسىنىڭ ماقساتى بويىنشا تاپسىرمالاردى ورىنداۋعا دايىندىعىن ارتتىرۋعا باعىتتالعان.