جالپى سانىنان ۇلەسى 85،3% قۇرايدى.
ۇستىمىزدەگى جىلدىڭ ءتورت ايىندا قازاقستانعا كوشىپ كەلگەندەردىڭ سانى 5 122 ادامدى قۇرادى، دەپ حابارلايدى Almaty-akshamy.kz.
«كوشى-قون قىزمەتى ورگاندارى ۇسىنعان مالىمەتتەردى وڭدەۋ ناتيجەسىندە، 2022 جىلعى قاڭتار-ساۋىردە ەلىمىزگە تۇرعىلىقتى تۇرۋعا كەلگەندەردىڭ تىركەلۋ سانى 5 122 ادامدى، ەلىمىزدەن كەتكەندەردىڭ سانى 7 041 ادامدى، كوشى-قوننىڭ ايىرىمى 1 919 ادامدى قۇرادى»، - دەلىنگەن ق ر امجت ۇلتتىق ستاتيستيكا بيۋروسىنىڭ حابارلاماسىندا.
ەلىمىزدەگى نەگىزگى كوشى-قون تمد مەملەكەتتەرىمەن وتۋدە. تمد ەلدەرىنەن كەلگەندەردىڭ جانە سول ەلدەرگە كەتكەندەردىڭ كوشىپ-قونۋشىلاردىڭ جالپى سانىنان ۇلەسى 85،3% جانە 80،1% قۇرادى.
ەل ىشىندە قونىس اۋداراتىن كوشىپ-قونۋشىلار سانى 3%-عا كەمىدى. ءوڭىرارالىق قونىس اۋدارۋ بويىنشا حالىق كوشى-قونىنىڭ وڭ ايىرىمى ەلىمىزدىڭ 3 وڭىرىندە بايقالدى: الماتى (11 577 ادام)، نۇر-سۇلتان (10 300 ادام) جانە شىمكەنت (1 664 ادام) قالالارىندا.