82 باس قىرىلىپ قالعان.
قاراعاندى وبلىسىنىڭ ۆەتەريناريا باسقارماسىنىڭ مالىمەتىنشە، قاراعاندى وبلىسىندا 260 ءىرى قارا مال بەلگىسىز اۋرۋعا شالدىعىپ، 82 باس قىرىلىپ قالعان، دەپ حابارلادى Almaty-akshamy.kz Turkystan.kz سىلتەمە جاساپ.
«3-10 ماۋسىم ارالىعىندا قاراعاندى وبلىسى، شەت اۋدانى، اقشوقى اۋىلدىق وكرۋگىندە ءىرى قارا مال (ءىقم) اراسىندا ينفەكسيالىق سيپاتتاعى اۋرۋ بەلگىلەرى بايقالدى. بارلىعى 260 باس اۋىرىپ، 82 باس ولگەن (9 باس سيىر، 11 باس قۇناجىن جانە 62 باس ەكى-ۇش ايلىق بۇزاۋ). مايىتتەر ينسينەراتورمەن ورتەۋ ارقىلى جويىلدى. جويۋ جۇمىستارى اۋىلدىق وكرۋگكە تيەسىلى ەسكى مال قورىمى اۋماعىندا مۇددەلى مەملەكەتتىك ورگانداردىڭ، اۋداندىق ۆەتەريناريالىق ستانسيا ماماندارىنىڭ قاتىسۋىمەن جۇرگىزىلدى»، - دەپ حابارلادى ۆەدومستۆو.
شەنەۋنىكتەردىڭ ايتۋىنشا، ۆەتەرينارلىق ماماندار اۋرۋ مالعا سيمپتوماتيكالىق ەم جۇرگىزىپ جاتىر.