مەملەكەتتىك اكادەميالىق سيمفونيالىق وركەسترى العاش رەت «XX22» اتتى مۋزىكالىق فەستيۆالىن كورەرمەندەرگە ۇسىندى. ونەر ورداسى الەمدە انالوگى جوق بۇل فەستيۆالدى جىل سايىن وتكىزۋدى جوسپارلاپ وتىر.
مەرەكەلىك ءىس-شارادا «حح عاسىردىڭ كىرىسپەسى» بولاتىن ءبىرىنشى بولىگى ۇسىنىلدى، وندا XIX-XX عاسىرلار توعىسىندا جازىلعان سيمفونيالىق شىعارمالار ورىندالدى. گۋستاۆ مالەر، ريحارد شتراۋس سياقتى كومپوزيتورلار وزدەرىنىڭ سيمفونيالىق شىعارمالارىندا ءپوسترومانتيزمنىڭ شەكاراسىن كەڭەيتە ءتۇستى.
فەستيۆال ءوز تىڭدارماندارىنا قازاقستاننىڭ دارىندى مۋزىكانتتارى جانە الەمدىك دەڭگەيدە اتتارى تانىمال ەرجان كۋليبايەۆ، گراف مۋرجا، ميحايل كيرحگوفف سىندى ارنايى شاقىرىلعان قوناقتاردىڭ ورىنداۋشىلىق ونەرى ارقىلى كورنەكتى كومپوزيتورلاردىڭ شىعارماشىلىق الەمىنە ەنۋگە مۇمكىندىك بەردى.
«الداعى جىلدارى جەكە ورىنداۋشىلاردان بولەك، ءىرى ۇجىمداردى دا شاقىرۋ جوسپارىمىزدا بار. الماتى تۇرعىندارى مەن قوناقتارىن عانا ەمەس، الەمنىڭ تۇكپىر-تۇكپىرىنەن كەلگەن مۋزىكانتتاردىڭ باسىن بىرىكتىرەتىن ماڭىزدى وقيعا بولدى»، - دەيدى تەاتر ۇجىمى.