قازاقستانعا تىكەلەي شەتەلدىك ينۆەستيسيالاردىڭ رەكوردتىق كولەمى تارتىلدى

ينۆەستيسيالاردىڭ جالپى كولەمى $28 ملرد-تى قۇرادى

2022 جىلدىڭ قورىتىندىسى بويىنشا قازاقستانعا تارتىلعان تىكەلەي شەتەلدىك ينۆەستيسيالاردىڭ جالپى كولەمى $28 ملرد-تى قۇرادى، بۇل 2021 جىلعى كورسەتكىشتەن 17،7%-عا ارتىق ($23،8 ملرد). سونداي-اق بۇل سوڭعى 10 جىلداعى رەكوردتىق كورسەتكىش – 2012 جىلى تىكەلەي شەتەلدىك ينۆەستيسيالار كولەمى $28،9 ملرد بولعان، دەپ حابارلادى Almaty-akshamy.kz.

وسىلايشا، ۇكىمەت پەن وڭىرلەر اكىمدىكتەرى جۇمىسىنىڭ ارقاسىندا وتكەن جىلى ق ر ينۆەستيسيالىق ساياساتى تۇجىرىمداماسىنىڭ 2026 جىلعا دەيىنگى ارالىق نىسانالى ينديكاتورلارى 14،3%-عا اسىرا ورىندالدى (جوسپار – $24 ملرد).

رەسپۋبليكاعا تارتىلعان ينۆەستيسيالار كولەمى بويىنشا كوش باستاپ تۇرعان ەلدەر: نيدەرلاندى – $8،33 ملرد (ءوسىم – 19،7%)، اقش – $5،1 ملرد (+81،9%)، شۆەيساريا – $2،8 ملرد (+2،4%)، بەلگيا – $1،56 ملرد (+46%)، رەسەي – $1،52 ملرد (-19،7%)، وڭتۇستىك كورەيا – $1،48 ملرد (+84،8%)، جۇڭگو – $1،43 ملرد (-22،5%)، فرانسيا – $770،2 ملن (+27،4%)، ۇلىبريتانيا – $661 ملن (-35،7%) جانە گەرمانيا – $469،5 ملن (+45،4%). 

ينۆەستيسيالار ەڭ كوپ تارتىلعان سالالار: تاۋ-كەن ونەركاسىبى – $12،1 ملرد (+25%)، وڭدەۋ ونەركاسىبى – $5،6 ملرد (+3%)، كوتەرمە جانە بولشەك ساۋدا – $5،08 ملرد (+36%)، كاسىبي، عىلىمي جانە تەحنيكالىق قىزمەت – $1،1 ملرد (ءوسىم – 2،1 ەسە)، كولىك جانە قويمالاۋ – $1،1 ملرد (+14%)، قۇرىلىس – $698 ملن (-3%)، قارجىلىق جانە ساقتاندىرۋ قىزمەتى – $650 ملن (-60%)، ەلەكترمەن جابدىقتاۋ جانە گاز بەرۋ – $635،6 ملن (ءوسىم – 2،8 ەسە) جانە ت.ب.

وڭىرلەر اراسىندا شەتەلدىك كاپيتالدى تارتۋدا اسا بەلسەندىلىك تانىتىپ وتىرعان وڭىرلەر: اتىراۋ وبلىسى – $8،2 ملرد (+48%)، الماتى – $7،57 ملرد (+11%)، استانا – $2،25 ملرد (ءوسىم – 2 ەسە)، شقو – $2،2 ملرد (+3%)، بقو – $1،12 ملرد (+7%)، الماتى وبلىسى – $698،2 ملن (+47%)، اقمولا وبلىسى – $376،3 ملن (ءوسىم – 6،3 ەسە)، قىزىلوردا وبلىسى – $336،5 ملن (+36%)، سقو – $105،7 ملن (ءوسىم – 3 ەسە) جانە جامبىل وبلىسى – $62 ملن (ءوسىم – 3 ەسە).