قازاقستانعا جۇڭگو ۆاكسيناسىنىڭ جاڭا پارتياسى جەتكىزىلدى

جۇك قۇرامىنا 2 ملن دوزا كىردى

29 قاڭتاردا قر-نىڭ قحر-داعى ەلشىلىگىنىڭ قولداۋىمەن بەيجىڭنەن الماتىعا Sinopharm (VeroCell) كورپوراسياسى شىعارعان COVID-19-عا قارسى ۆاكسينانىڭ كەزەكتى پارتياسى كەلىپ جەتتى، دەپ حابارلايدى Almaty-akshamy.kz Zakon.kz-كە سىلتەمە جاساپ.

جۇك قۇرامىنا 2 ملن دوزا كىردى. جەتكىزىلگەن دوزالار ق ر حالقىن جاپپاي ۆاكسيناسيالاۋدى اياقتاۋعا مۇمكىندىك بەرەدى.

"كەلگەن ۆاكسينا ستيكەرلەۋ ءراسىمى اياقتالعاننان كەيىن، ق ر دسم سەبك-نىڭ ۇيلەستىرۋىنە سايكەس جەدەل تارتىپپەن ەل وڭىرلەرىنە جىبەرىلەدى. الداعى كۇندەرى قازاقستان رەسپۋبليكاسىنىڭ ازاماتتارىنا كوروناۆيرۋستىق ينفەكسياعا قارسى ۆاكسيناسيالاۋ ءۇشىن قولجەتىمدى بولادى"،-، دەلىنگەن حابارلامادا.

كوۆيدكە قارسى پرەپارات بەيجىڭ بيولوگيالىق ونىمدەر ينستيتۋتى ازىرلەگەن جانە ددۇ وسى جىلدىڭ كوكتەمىندە ماقۇلداعان، ول الەمنىڭ 45 ەلىندە تانىلعان. ۆاكسينا بەلسەندى ەمەس، ەكى دوزالى. ساقتاۋ مەرزىمى- 24 اي.

ءبىرىڭعاي ديستريبيۋتور يممۋنوبيولوگيالىق پرەپاراتتاردىڭ لوگيستيكاسىن بارلىق GMP جانە GDP ستاندارتتارىن، سونداي-اق "سۋىق تىزبەكتى" ساقتاي وتىرىپ جۇزەگە اسىرادى.

Sinopharm ۆاكسيناسىنىڭ ەرەكشەلىگى - ونى جەتكىزۋ پروسەسى مۇزداتقىشتى قاجەت ەتپەيدى، +2 +8 گرادۋس تەمپەراتۋرادا ساقتالادى جانە تاسىمالدانادى. ەستەرىڭىزگە سالا كەتەيىك، قازاقستان Sinopharm كومپانياسىنىڭ بەيجىڭ بيولوگيالىق ءونىم ينستيتۋتى پرەپاراتىنىڭ 4 ملن. دوزاسىن، سونداي-اق ءساۋىر ايىنىڭ سوڭىندا باا-دە Hayat-Vax ساۋدا اتاۋىمەن شىعارىلعان ميلليون دوزانى العان بولاتىن.