قاسىم-جومارت توقايەۆ پەن نۇرسۇلتان نازاربايەۆ قانداي دا ءبىر كەلىسىمگە كەلدى مە؟
الماتىعا شابۋىلداعان بانديتتىك توپتىڭ ىشىندە ەسىرتكى شەگىپ العاندار بولعان. ءسويتىپ، ولار جارالانعان كەزدە قاتتى اۋىرسىنباعان. مۇنى مەملەكەت باسشىسى «حابار 24» تەلەارناسىنا بەرگەن سۇحباتىندا ايتتى، دەپ حابارلايدى Almaty-akshamy.kz.
قاسىم-جومارت توقايەۆ سۇحبات بارىسىندا «شابۋىلداعاندار اراسىندا اقپاراتتىق تەحنولوگيالاردى جەتىك مەڭگەرگەندەر بولعان» دەدى. ءتىپتى بانديتتەردىڭ كەيبىرى بەس جۇلدىزدى قوناقۇيدە تۇرعان.
«قىزىقتى دەرەك. بانديتتىك توپتىڭ ءبىرى الماتىدا بەس جۇلدىزدى قوناق ۇيدە تۇرعان. ولارعا سونشا اقشانى كىم تولەدى. كىم قارجىلاندىردى؟ ءسويتىپ، الگى توپ «قازاقستان» قوناق ءۇيىنىڭ ءبىرىنشى قاباتىنا وزدەرىنىڭ كوماندالىق شتابىن ورنالاستىرعان. ءقازىر تەرگەۋ ءجۇرىپ جاتىر. ءبارى انىقتالادى»،-دەدى ق ر پرەزيدەنتى قاسىم-جومارت توقايەۆ.
ال قاسىم-جومارت توقايەۆ پەن نۇرسۇلتان نازاربايەۆ قانداي دا ءبىر كەلىسىمگە كەلدى مە؟ الماتى اكىمى باقىتجان ساعىنتايەۆ قىزمەتىنەن كەتە مە؟ پرەزيدەنت بۇل سۇراقتارعا دا جاۋاپ بەردى. ءارى ءوزىنىڭ مەملەكەت باسشىسى لاۋازىمىندا وتىرۋ مەرزىمىنە قاتىستى دا پىكىر ءبىلدىردى.
سۇحباتتى بۇگىن ساعات 20:00-دە «حابار 24» جانە «حابار» ارنالارىنان كورە الاسىزدار.