تۇركىستان وبلىسىندا اۆتوجولدار جابىلدى

بوران، بۇرقاسىن، كوكتايعاق، جولدى كورۋ مۇمكىن ەمەس

قالىڭ قار مەن قاتتى بوراننان تۇركىستان وبلىسىندا جەكەلەگەن جولدار جابىلدى، دەپ حابارلايدى Almaty-akshamy.kz.

 توتەنشە جاعدايلار دەپارتامەنتىنىڭ مالىمەتىنشە، بۇگىن تاڭعى ساعات 10.00-دەن باستاپ سوزاق پەن ساۋران اۋدانىندا اۋا رايىنىڭ ناشارلاۋىنا بايلانىستى (بۇرقاسىن، بوران، قار، جولدىڭ ناشار كورىنۋى) وبلىستىق ماڭىزى بار كح-56 اۆتوجولىنىڭ 40-124 كم ۋچاسكەسىندەگى «جامبىل وبلىسىنىڭ شەكاراسى-قۇمكەنت-شولاققورعان-اششىساي-كح-190» بولىگى كولىك قوزعالىسى ءۇشىن جابىلعان.

«سونداي-اق اۋا رايىنىڭ ناشارلاۋىنان (بوران، بۇرقاسىن، كوكتايعاق، جولدى كورۋ مۇمكىندىگىنىڭ مۇلدەم بولماۋى) سوزاق پەن بايدىبەك اۋدانىندا وبلىستىق ماڭىزى بار كح-2 اۆتوجولىنىڭ 577-642 كم ۋچاسكەسىندەگى «ۇلانبەل- سوزاق-ەكپىندى»، «شولاققورعان-شايان» بولىگى كولىكتىڭ بارلىق ءتۇرى ءۇشىن جابىلدى، - دەلىنگەن توتەنشە جاعدايلار دەپارتامەنتى تاراتقان حابارلامادا. 

اۋا رايى توسىن مىنەز تانىتقان تۇستا ازاماتتاردىڭ اماندىعى مەن قاۋىپسىزدىگىن قامتاماسىز ەتۋ ءۇشىن توتەنشە جاعدايلار دەپارتامەنتى مەن پوليسيا ءبولىمىنىڭ قىزمەتكەرلەرى اۋدان جولدارىنا شىعىپ، تۇرعىنداردى الىس جولعا شىقپاۋعا شاقىرۋدا.