بۇرىن قول قويىلعان كەلىسىم شەڭبەرىندە Comirnaty Pfizer/BioNTech ۆاكسيناسىنىڭ 4 ملن.دوزاسى ساتىپ الىندى.
كەشە تۇندە قازاقستانعا Pfizer ۆاكسيناسىنىڭ العاشقى پارتياسى جەتكىزىلدى، دەپ حابارلايدى Almaty-akshamy.kz COVID-19 تارالۋىنا جول بەرمەۋ جونىندەگى ۆاك-قا سىلتەمە جاساپ.
«قازاقستانعا جەتكىزىلگەن «Pfizer» ۆاكسيناسى تەك 12 جاسقا تولعان بالالارعا ارنالعان. ودان تومەن جاستاعىلارعا سالۋعا بولمايدى»، -دەلىنگەن حابارلامادا.
Comirnaty-امەريكاندىق Pfizer كومپانياسى مەن گەرمانيانىڭ BioNTech تەحنولوگيالىق كومپانياسى شىعارعان رنق-عا نەگىزدەلگەن ماتريسالىق ۆاكسينانىڭ (مرنق) ساۋدا اتاۋى. ۆاكسيناسيا كۋرسى 21-28 كۇن ارالىعىمەن ەنگىزىلەتىن ەكى دوزادان تۇرادى. جەتكىزىلگەن دوزالار قازاقستان حالقىن جاپپاي ۆاكسيناسيالاۋدى اياقتاۋعا مۇمكىندىك بەرەدى. بۇل قازاقستاندا تىركەلگەن التىنشى ۆاكسينا.
ءبىرىڭعاي ديستريبيۋتور كەلىپ تۇسكەن ۆاكسينانى دەنساۋلىق ساقتاۋ مينيسترلىگىنىڭ ءبولۋ كەستەسىنە سايكەس جەدەل تارتىپپەن وڭىرلەرگە جەتكىزىلەدى. الداعى كۇندەرى ەل ازاماتتارىنا كوروناۆيرۋستىق ينفەكسياعا قارسى ۆاكسيناسيالاۋ ءۇشىن قولجەتىمدى بولادى.