2021 جىلى 11-12 قاراشا ارالىعىندا ەلىمىزدە «قىسقى كەزەڭ جاعدايىندا توتەنشە جاعدايلاردى جويۋ كەزىندەگى ءىس-قيمىلدارعا ازاماتتىق قورعاۋ مەملەكەتتىك جۇيەسىنىڭ باسقارۋ ورگاندارى مەن كۇشتەرىن دايارلاۋ» تاقىرىبىندا «قىس 2021» رەسپۋبليكالىق كوماندالىق–شتابتىق وقۋ-جاتتىعۋ وتكىزىلەدى دەپ حابارلايدى almaty-akshamy.kz
وقۋ-جاتتىعۋ قىس كەزەڭىندەگى توتەنشە جاعدايلاردى جويۋعا ازاماتتىق قورعاۋ مەملەكەتتىك جۇيەسىنىڭ جانە حالىقتىڭ دايىندىق دەڭگەيى مەن قابىلەتىن ارتتىرۋ، ازاماتتىق قورعاۋ قىزمەتتەرى مەن قۇرامالارىنىڭ قىسقى كەزەڭدەگى توتەنشە جاعدايعا دەن قويۋعا ازىرلىگىن تەكسەرۋ ماقساتىندا وتكىزىلەدى.
ق ر توتەنشە جاعدايلار مينيسترلىگىنىڭ باسپا ءسوز قىزمەتىنە سىلتەمە جاساپ. وقۋ-جاتتىعۋدىڭ باسشىلىق شتابى شىعىس قازاقستان وبلىسى تجد-دا ورنالاسادى (وسكەمەن قالاسى، تجد داعدارىس ورتالىعى). «قىس-2021» وقۋ-جاتتىعۋى اياسىندا رەسپۋبليكا بويىنشا توتەنشە جاعدايدى جويۋ بويىنشا ىس-ارەكەتتەردى پىسىقتاۋعا ارنايى-تاكتيكالىق جاتتىعۋلار، اۆاريالىق-قۇتقارۋ قىزمەتتەرىمەن جانە ازاماتتىق قورعاۋ قۇرامالارمەن پراكتيكالىق ارەكەتتەر وتكىزىلەدى.
«وقۋ-جاتتىعۋى اياسىندا ەلمىزدىڭ وڭىرلەرىندە ەلەكتر دابىلدار قوسۋىمەن قۇلاقتاندىرۋ جۇيەسىنە تەحنيكالىق تەسكەرىس جۇرگىزىلەدى. وسى ءىس-شارا حالىققا «بارشانىڭ نازارىنا!» قۇلاقتاندىرۋ ءبىرىڭعاي دابىلىنا ارەكەت ەتۋ ءتارتىبىن ۇيرەتۋ ماقساتىندا وتكىزىلەدى»،-دەلىنگەن ق ر توتەنشە جاعدايلار مينيسترلىگىنىڭ باسپا ءسوز قىزمەتى تاراتقان اقپاراتتا.