تۋريستەر سانىن ارتتىرۋ ءۇشىن قازاقستانعا كىرۋدە ۆيزا تالاپ ەتىلمەيتىن ەلدەر سانىن 100-گە دەيىن ۇلعايتۋ ورىندى.
مۇنداي ۇسىنىستى ورتالىق كوممۋنيكاسيالار قىزمەتىندە وتكەن بريفينگتە تۋريزم يندۋسترياسى كوميتەتىنىڭ ءتوراعاسى داستان رىسپەكوۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«بيىل 74 ەلدىڭ ازاماتتارى ءۇشىن قازاقستانعا ۆيزاسىز كەلۋ رەجيمى قالپىنا كەلتىرىلدى. ءۇندىستان، جۇڭگو جانە يران ازاماتتارى ءۇشىن قوسىمشا ۆيزاسىز رەجيم ەنگىزىلدى. 28 ەلمەن 113 باعىت بويىنشا حالىقارالىق اۋە قاتىناسى قالپىنا كەلتىرىلدى. تۋريستەر سانىن ارتتىرۋ ماقساتىندا قازاقستانعا كىرۋ ءۇشىن ۆيزا تالاپ ەتىلمەيتىن ەلدەر سانىن 100-گە دەيىن ۇلعايتۋدى ورىندى دەپ ەسەپتەيمىز»، - دەپ اتاپ ءوتتى كوميتەت ءتوراعاسى.
بۇدان بولەك، داستان رىسپەكوۆ 5 حالىقارالىق باعىت بويىنشا اۋەرەيستەردىڭ سانى ارتاتىنىن مالىمدەدى. اتاپ ايتقاندا، رەسەيگە 8، موڭعولياعا 2، قىتايعا 10، ءۇندىستانعا 4 جانە فرانسياعا 2 قوسىمشا رەيستەر اشىلماق.