ءماجىلىستىڭ جالپى وتىرىسىندا پالاتا ءتوراعاسى ەرلان قوشانوۆ ۇكىمەت مۇشەلەرىنىڭ وتىرىستاعى جاۋاپتارىنا قاناعاتتانبايتىنىن ايتتى.
ءماجىلىس ءتوراعاسى ۆەدومستۆو وكىلدەرى تەك قاعازدا كورسەتىلگەن انىقتامالاردى وقۋمەن عانا شەكتەلەتىنىنە شۇيلىكتى، دەپ حابارلايدى Almaty-akshamy.kz.
«مەن كەيبىر مينيسترلىك وكىلدەرىنە ەسكەرتپە جاسايىن دەپ ەدىم. پلەنارلىق وتىرىسقا دايىندالىپ كەلۋ كەرەك. قول استىڭىزداعى ادامداردىڭ جازىپ بەرگەن انىقتاماسىن بۇل جەردە وقۋ قاجەت ەمەس. بۇل سۇراقتاردىڭ بارلىعى جۇمىس توبىنىڭ جانە كوميتەتتىڭ وتىرىسىندا تالقىلاندى. ال بۇل جەرگە كەلگەندە، سىزدەر ونى بەس ساۋساقتاي ءبىلىپ تۇرۋلارىڭىز كەرەك. مەن ۇكىمەتتىڭ وكىلىنە دە وسى ەسكەرتۋدى ايتامىن، پرەمەر-مينيسترگە جەتكىزىڭىز. ەگەر دە وسى جەردە مينيسترلىكتىڭ وكىلدەرى دايىن بولماسا، ورىندارىنا باسقا ادامدار كەلسىن»، - دەپ ەسكەرتۋ جاسادى ءماجىلىس ءتوراعاسى.