كەلۋشىلەردەن كەتۋشىلەر كوپ.
ق ر ىشكى ىستەر ءمينيسترى مارات احمەتجانوۆ ۇكىمەت وتىرىسىنان كەيىن ب ا ق وكىلدەرىنە ەلگە كىرىپ جاتقان رەسەيلىكتەردەن شىعىپ جاتقاندار كوپ ەكەنىن ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ناقتى قانشا ادام ەلگە كىرگەنىن ايتا المايمىن. ءبىراز ازاماتتار كەلدى. ءقازىر بۇرىنعى قالىپقا كەلدىك. رەسەيدەن كەلىپ جاتقان ازاماتتاردىڭ سانى شىعىپ جاتقانداردان از. تاۋلىگىنە رەسەيدەن 8000-9000 مىڭ ادام كەلەدى، ال 10 000 – 11 000 ادام شىعىپ وتىر. وسىلايشا، بۇرىنعى نورماعا قايتا ەندىك»، - دەدى ول.
سونداي-اق، مينيستر كەيىنگى كۇندەرى قازاقستان اۋماعىنان شىعارىلعان رەسەيلىكتەردىڭ ناقتى سانىن بىلمەيتىنىن ايتتى
«دەپورتاسيالانعاندار بار. ءبىراق ونىڭ ناقتى سانىن ايتا المايمىن. ءبىراق بۇل كۇندەلىكتى جۇمىس قوي. دەپورتاسيالانعانداردىڭ ءبارى بىردەي رەسەي ازاماتتارى ەمەس. كوشى-قون زاڭناماسىن بۇزعانداردىڭ ءبارى زاڭ اياسىندا، سوت شەشىمىمەن ەل اۋماعىنان شىعارىلادى»، - دەدى مارات احمەتجانوۆ.